"فتح عينه وصلينا كلنا".. شقيق سمير غانم يكشف تفاصيل آخر زيارة قبل وفاته (فيديو)
كشف حسام غانم، شقيق الفنان الراحل سمير غانم، آخر زيارة جمعته بالراحل خلال فترة مرضه، حيث غاب الفنان الراحل عن عالمنا أمس الخميس، عن عمر ناهز الـ 84.
وقال حسام غانم لـ"القاهرة 24": “اللي حصله كان شوية توهان مش غيبوبة، وهو كان سامعنا ودخلنا عليه أنا ودنيا وإيمي، فتح عينه وفضلت تتحرك معانا وصلينا كلنا وبقا ينظر لينا”.
وأضاف: “سمير كان عدى خلاص الكورونا، ولكن تعددت الأسباب والموت واحد، وحصله فشل في الرئة والكلى، وأنا كمان جاتلي كورونا وعديت منها، رغم إن نفس الأمراض اللي عنده عندي، ونفس الأدوية اللي بياخدها أنا كمان كنت باخدها”.
وشيعت جنازة الراحل من مسجد المشير طنطاوي بالتجمع الخامس، ودفن جثمانه في مقابر العائلة بالوفاء والأمل، وسط حضور عدد كبير من الفنانين.
جنازة سمير غانم
وحرص على حضور الجنازة كل من يسرا وإيناس الدغيدي وأشرف زكي وروجينا وعزوز عادل والأنبا بطرس دانيال، ورامي صبري، ومحمد حماقي، وهناء الشوربجي، وأميرة مختار، ابنة الفنانة الراحلة رجاء الجداوي، وآخرون.
