الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

“الفرح كمان واجب زي العزا”.. هالة صدقي تستشهد بعادل إمام لتبرير حضور الفنانين زفافًا بعد دفن سمير غانم

هالة صدقي ودلال عبد
فن
هالة صدقي ودلال عبد العزيز
السبت 22/مايو/2021 - 10:06 م

قالت الفنانة هالة صدقي إن العزاء والفرح كلاهما واجب على الإنسان، وليس لأحد أحقية في محاسبة غيره عن تصرفاته، مستشهدةً بموقف الفنان عادل إمام عند وفاة صديقه وزوج شقيقته الفنان مصطفى متولي حيث أصر على عرض مسرحيته وعدم إلغاء العرض في نفس يوم الدفن.

ونشرت هالة صورة دلال عبد العزيز عبر حسابها الشخصي على موقع التواصل الاجتماعي “فيسبوك”، وعلقت قائلةً: “زي ما العزاء واجب الفرح كمان واجب، الفرح يوم في العمر وخصوصًا لو حد عزيز عليه جدا ومنتظر أشاركه اللحظة دي، المعروف جدًا إن أي فنان وأولهم الفنان سمير غانم وينزل يعرض ويضحك ويسعد جمهوره لكن قلبه من جوه كله حزن وأكبر مثال العظيم عادل إمام دفن مصطفي متولي صاحبه وجوز أخته الظهر ونزل يعرض بليل وبعد ما نزلت الستارة انهار”.

وتابعت: “ومش عادل بس لا في غيره وغيره وغيره.. للأسف الفنان بيبقي مطلوب منه فوق طاقته وأصحابه وحبايبه منتظرين منه أكتر، عمر الحزن ما كان بلون الأسود أو البكاء، ولاد سمير النهاردة مؤكد لابسين ملون علشان مامتهم ما تعرفش باللي هما فيه هل ده معناه إنهم مش زعلانين ومقهورين على باباهم، وهي قدرات ممكن حد يقدر يتغلب على أحزانه وناس لا”.

وأضافت: "وعلى فكرة أنا مكنتش معزومة علي الفرح اللي زملائي كانوا فيه، كنت معزومة في فرح تاني خالص والنهارده كمان كان عندي فرح حد من أعز أصدقائي، كلنا عارفين الأصول إن لما حد يموت نقفل التلفزيون وبلاش مزيكا وحاجات كلنا عارفينها، لكن للأسف في ظروف خارجة عن الإرادة وبدل ما نحاسب البشر واحنا عندنا رب هو المسئول عن اللي في القلوب، ندعي للزميلة والأخت العزيزه دلال إن ربنا يقومها بألف سلامة وترجع لبيتها وولادها وتتحمل فراقها لحبيب عمرها شكرًا لتفهمكم".

هالة صدقي

 

تابع مواقعنا