خطيب منة عرفة: "طلبت منها ماتنشرش صورنا عشان مايتقالش بستغلها" (فيديو)
كشف الممثل الشاب الصاعد محمود المهدي، سبب عدم نشر منة عرفة أي صور تجمعهما عند إعلان خطبتها، وأن ذلك كان بناءً على رغبته.
ونشر محمود المهدي مقطع فيديو عبر حسابه الشخصي على موقع تبادل الصور والفيديوهات القصيرة “انستجرام”، وقال خلاله: “أنا اللي طلبت من منة ماتنزلش صورنا، ومحدش يعرف لأسباب منها إني كنت عايز أعلن بعد ما ينزل فيلمنا اسمه 666 والناس تعرفني الأول من خلاله عشان مايتقالش إني عرفت منه استغلال أو أي كلام من اللي بيقتال، أنا عرفت منة من أكتر من سنتين وقربنا أكتر وحتى الصور اللي نازلة قديمة وشكرًا لكل حد باركلنا”.
وعلق محمود على الفيديو، قائلًا: “بجد بشكر كل شخص بعت الرسايل اللي وصلتلنا بجد الرسايل جميلة زيكم وبحاول أقرأ الرسايل والله كلها واللي معرفتش أرد عليه يسامحني.. مش هعرف أرد على كل الرسايل بس بقرأهم”.
وسبق، وأعلن المهدي خطبتهما، ونشر صورة تجمعه مع منة أثناء احتفالهما بعيد ميلاد منة الذي أتمت خلاله 22 عامًا، عبر “انستجرام”، وعلق قائلًا: “ربنا يجمع هدومي وهدومك في غسالة واحدة".
