رئيس التحرير
محمود المملوك

رغم اجتيازها الاختبارات.. مدرسة ترفض قبول طفلة بسبب شعرها

مدرسة
مدرسة

تداول مستخدمو مواقع التواصل الاجتماعي منشورًا أثار حالة من الغضب، لما يحتويه من تنمر صريح على طفلة في مدرسة بسبب مظهرها.

وكتب ماركو عادل، والد الطفلة، في منشور له على صفحته بموقع التواصل الاجتماعي “فيس بوك”: "يؤسفني أن أقول إن نفسية بنتي (مارلي مرقس عادل) اتدمرت بسبب التنمر، وإن المدارس بقي ليها شروط معينة في الطفل غير المتعارف عليها، والطفلة مستواها كويس جدًا في التقييم إنجليزي وعربي ومهارات".

وأضاف قائلًا: "بس المشكلة في شعرها، أيوه زي ما قريتم كده "شعرها"، كيرلي ومش ناعم، الميس خرجت تقول إن الكومنت الوحيد على البنت “شكلها مش حلو”، بصيتلها باستغراب وبصيت للبنت أتأكد من لبسها وشكلها، قالتلي شعرها ومسكته بإيديها وهي مستائة، قتلتها شعرها طبيعته كده، المهم مطولناش عشان الكلام كان قدام الطفلة، بس طبعا الطفلة كانت سامعة ومركزة في كل ده".

 

وتابع ماركو:"البنت رجعت مضايقة ونفسيتها وحشة جدًا، بأي منطق يتسببوا في أذي نفسية طفلة بالشكل المؤسف ده، ازاي يبقي تقييم الطفل يبقي من خلال شكله او شعره، ازاي يتنمروا على الطفلة بالشكل ده، ازاي تتكلمي  كده قدام الطفلة".

وقال: "ياريت بجد كفاية ضغوط علي الأسرة والطفل في تقديمات المدارس، احنا مش داخلين حرب".