رئيس التحرير
محمود المملوك

مواطن يستغيث بالرئيس السيسي لعدم إزالة الأشجار بأحد شوارع الشيراتون (فيديو)

شارع الفريق كمال
شارع الفريق كمال حسن علي

نشر مواطن يدعى أحمد صلاح، عبر حسابه الخاص على تويتر، فيديو مدته 1:26 دقيقة، لشارع الفريق كمال حسن علي بالشيراتون، يستغيث فيه برئيس الجمهورية ومجلس الوزراء، لعدم إزالة الأشجار من الشارع.

وقال في الفيديو:"هو ده شارع الفريق كمال حسن علي، في مساكن شيراتون شارع فرعي جانبي مفهوش أي عربات تمامًا، غير كل فين وفين، شارع سكني مليان بالأشجار، ومخطط له إن الأشجار والأرصفة دي تتشال الأسبوع الجاي".

وأضاف:" لو سمحتهم شير للفيديو، أنقذوا سكان المنطقة دي من إزالة الأرصفة والشجر من الشارع، إحنا بنحاول نوصل صوتنا للرئيس عبد الفتاح السيسي، بنحاول نوصل صوتنا للنائب العام، ومعالي الوزير، عاوزين الفيديو يوصل ليهم الفيديو بأي طريقة".

وتابع:" كل الأشجار اللي حضراتكم شايفنها في الفيديو هتتشال والسكان تتأذي، الشارع هيبقى خطر، العمارات هتبقي قبيحة، الناس خصوصيتها هتروح، لو سمحتهم شير للفيديو عشان نوقف اللي هيحصل قب ما الناس اللي هنا تتأذي وساعتها هيكون فات الأوان".

وكتب تغريدة أخرى:"معالي رئيس الجمهورية عبد الفتاح السيسي ومجلس الوزراء، سكان شارع الفريق كمال حسن علي، في شيراتون يستغيثون بكم، سوف تتم إزالة الأشجار والأرصفة بالكامل وهذا سوف يؤثر سلبًا على سكان الشارع والمظهر الحضاري للشارع، أرجوكم ساعدونا لوقف التوسعات في هذا الشارع".