حسام حبيب عن نضال الأحمدية: "أخلاقي متسمحليش ألاقي لفظ أرد بيه على هذا الكائن"
عبر الفنان حسام حبيب عن استيائه من الإعلامية نضال الأحمدية، المسؤولة عن نشر التسجيل الصوتي لوالده حسين حبيب، والتي احتوت على خطة استيلاء “حسام” على أموال زوجته الفنانة شيرين عبد الوهاب وحساباتها البنكية.
وظهر حسام حبيب في فيديو نشره عبر حسابه الشخصي بموقع الصور والفيديوهات القصيرة “انستجرام”، وقال: “أخلاقي وتربيتي متسمحليش إني ألاقي لفظ أو حاجة أرد بيها على هذا الكائن اللي مينفعش أقول عنها بني آدم”.
وقال: "“مش عارف اسميها إيه بصراحة، اللي بتدعي إنها صحفية وعملت عمل صحفي، بسألها سؤال أنت اخترقتي الآخر إزاي، أي عمل استقصائي يسمحلك انك تخترقي حياة ناس، وتبعتي واحدة وأنت تعترفي بلسانك إنها مش مذيعة وشغالة ايه الواحدة دي، ودي أكيد من الشبكة اللي بتديريها، والناس كلها عارفة شغلانتك الحقيقية إيه”.
حسام حبيب وشيرين عبد الوهاب
وأضاف: "أعتقد العمل الاستقصائي ده هتدفعي تمنه كبير، لأنك عملتي حاجة مش من حقك، واللي أنت بعتاها دي ايه، دكتورة أسنان ولا ايه ما دام مش مذيعة، وأعتقد إنها فرد من أفراد الشبكة المعروفة اللي بتديريها، اللي بيعملوا أعمال استقصائية كلها معروفة برضو، ربنا يهديكي، رغم إني معرفش ربنا ممكن يهدي اللي زيك ولا لأ”.
