تامر حسني لحلا شيحة: "مش أنت اللي تقاضيتي مبلغ كبير عشان الدور ده؟"
وجه الفنان تامر حسني رسالة لحلا شيحة، بعد هجومها عليه بسبب مشاهدها التي جمعتها به في كليب “بحبك” من فيلمهم الأخير “مش أنا”.
وقال تامر حسني في منشور عبر حسابه الرسمي بموقع الصور والفيديوهات القصيرة “انستجرام”: "أولًا أنا عمري ما وعدتك إن الكليب مش هينزل، دا محصلش أصلا يا حلا مش أنا خالص اللي أوعد وأخلف، الحقيقة إني احترمت كلامي معاكي ووعدتك أشيل مشاهد تانية طلبتيها، وشيلتها بالفعل وشكرتيني عليها، ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة”.
فيلم مش أنا
وتابع: "وبعدين الفيلم بقاله 3 أسابيع في السينمات والكليب موجود جوة الفيلم، هو بالنسبالك الحرام أننا ننزل الكليب على اليوتيوب بس، إنما الكليب يتشاف جوه السينمات عادي، منطق غريب فعلًا يا حلا، وبعدين هو مش أنتِ اللي مضيتي عقد وتقاضيتي عليه مبلغ كبير عشان الدور دا بعينه!".
