تامر حسني يرد على تبرؤ حلا شيحة من مشاهدها: "انتي اللي صورتيها ومحدش أجبرك"
علق الفنان تامر حسني على تصريحات الفنانة حلا شيحة وتبرؤها من مشاهدها الرومانسية كليب “بحبك”، في فيلم “مش أنا”، مشيرًا إلى أنها كانت تعلم بخطة العمل وقدمت هذه المشاهد برضاها.
وكتب حسني منشورًا، عبر حسابه الشخصي بموقع تبادل الصور والفيديوهات القصيرة "انستجرام": "هو مش أنتِ اللي صورتيه، ومثلتيه بنفسك وبمنتهى الرضا، ولاّ حد أجبرك؟!، وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم، عشان لو عندك أي ملاحظة تقوليها، مكنتش بتردي علينا وتليفوناتك كلها كانت بتقفل في وشنا".
تامر حسني وحلا شيحة
وأضاف: "أنتِ للأسف يا حلا متعاملتيش صح مع الموقف، كان لازم تهتمي بأمرك أكتر من كدا، ولو كان ليكي أي طلب تاني كنت هعمله بكل حب، أنما أنت وفجأة اختفيتي، ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا، ومخلتيناش نعرف نعمل آفيش مجمع!، وبقيتي تقفلي تليفوناتك وتكنسلي علينا كلنا".
