عمر كمال: "مطربين المهرجانات بيشتغلوا في أرقى الأماكن.. وحفلاتي في الوطن العربي كلها محجوزة"

حل مطرب المهرجانات عمر كمال، ضيفًا على الإعلامي عمرو أديب في برنامجه “الحكاية” المذاع على شاشة إم بي سي مصر، للتحدث عن أحدث أعماله الفنية.

وقال “كمال" خلال لقاءه: “عملت 120 أغنية.. وبزعل لما حد يغلط في بتوع المهرجانات.. عشان أنا منهم وطورنا من نفسنا بشكل كبير.. والنجوم الكبار عملوا مهرجانات زي حكيم.. وهيفاء وهبي وأكرم حسني”.

وتابع: “بنشتغل في أرقى أماكن في مصر وبلف الوطن العربي وحفلاتي كلها محجوزة..  والأغاني بتاعتي بتبتدي بـ50 مليون مشاهدة”.

واستكمل “اتظلمت إني اتحطيت في موجة المهرجانات، والناس هي اللي حطتني في الزون ده.. كان قبلها بروح فرقة وأنزل حفلات ومكنتش بتجيب همها، واضطريت أروح للمهرجانات عشان أكسب فلوس”.

كما كشف مطرب المهرجانات الشهير عمر كمال، آخر فاتورة حصل عليها من موقع الفيديوهات الشهير “يوتيوب”، خاصة بأرباح أعماله الأخيرة.

عمر كمال: "15 ألف دولار آخر فاتورة حصلت عليها من اليوتيوب"

عمر كمال: "لجأت للمهرجانات الشعبية علشان أكسب فلوس"