عمر كمال: "حمو بيكا مبيعرفش السلم الموسيقي ومغلطتش فيه" (فيديو)
أوضح مطرب المهرجانات عمر كمال، حقيقة هجومه على صديقه حمو بيكا، بعدما وصفه بأنه لا يجيد الغناء إطلاقًا، مؤكدًا أنه مجرد مؤدي فقط لا غير.
وخرج “كمال” في بث مباشر على صفحته الرسمية بـ "فيس بوك"، وقال: “حمو بيكا له بصمته وله شكله وله نبرة صوت معينة محدش بيقولها غيره في مصر، لا غلطت في حد ولا استقليت بحد ولا أي حاجة، ومش كل الناس في النقابة بتعرف تغني ما في ناس بتاعت دي جي ومونولوج، مش كل الناس مصنفة مطربين، ومغلطتش في حمو مينفعش إحنا في يوم مفترج ومقدرش أغلط في حد، أنا قولت مبيعرفش يغني عشان هو مؤدي مبيعرفش في السلم الموسيقي”.
وفي سياق متصل، شن مطرب المهرجانات حمو بيكا، هجومًا حادًا على صديقه عمر كمال، بعدما قال الأخير عن الأول إنه لا يجيد الغناء وما هو إلا مجرد مشخصاتي.
وتابع “بيكا” خلال بث مباشر على صفحته الرسمية بـ "فيس بوك": “ طالع تخبط في سمية الخشاب أنت يا بني مبيطمرش فيك، يكفي إن النجمة اتنازلت وعملت أغنية معاك، هي مش بالأرقام يا عم عمر، بتحداك تجيب ناس تتفرج علينا وإحنا بنغني وتحكم، أنت نفسك بيتقطع وأنت بتغني وبتنزل تغني أغاني مش أغانيك وناس مش عارفها”.
واستكمل: “والعبد اللي قدامك ده ممكن يقعد 3 أيام يغني في أغاني بتاعتي، وأنت بتغني أغاني مش بتاعك زي حبيبي بالبنط العريض، معايا داتا أقعد أغني فيها 3 أيام، وفيجو الدخلاوي هيفضل بصمة مصر، خلاص كده انتهت معاك وتيجي تعمل معايا فيديوهات معايا عشان تتشاف.. عايزك تبين نفسك وتعمل أغاني لنفسك.. وتطلع تغني لوحدك”.
حمو بيكا يهاجم عمر كمال: "توبة أغني مع شخصية زيك تاني" (فيديو)
حمو بيكا لـ "عمر كمال": "نفسك بيتقطع وأنت بتغني.. وسمية الخشاب تنازلت وغنت معاك"
