ستايلست مسرحية شريهان "كوكو شانيل" تكشف تفاصيل حذف اسمها من التتر
كشفت الاستايلست علا علي، تفاصيل حذف اسمها من تتر مسرحية “كوكو شانيل” بطولة النجمة الكبيرة شريهان، ووضع اسم مصممة الأزياء ريم العدل فقط وتجاهل باقي أفراد العمل.
وقالت “علي” خلال تصريح خاص لـ "القاهرة 24": “إحنا كنا عدد كبير بيشتغل ومعانا ديزاينر لبناني بنشتغل وحصل مشكلة في اللبس، وتواصل معي شريف زلط ومحمد حلمي المنتج الفني، عشان أشتغل المسرحية، والديزاينر اللبناني كان عامل جزء من لبس الراقصين بس مكنش مظبوط وغيرنا لبس الراقصين لأن أنا دارسة أكاديمية فنون باليه، وعملت لبس الراقصين كله ما عدا أخر أوبريت في المسرحية، وكملت لبس إنجي وجدان وأسما سليمان وسمر مرسي، وخلصت الفصل الأول كله وجزء من الفصل الثاني، وصممت لهاني عادل 5 بدل”.
أزياء مسرحية كوكو شانيل
وتابعت: “وشريهان شكرتني وطلبت مني أعمل بدل الراقصين في أوبريت “المانيكان”، وبعتتلي صور الفيتينج اللي كنت هشتغل عليها، وسلمنا اللبس، وبعدها قالوا إننا مش هنلحق نكمل المسرحية وهنستعين بمصممة أزياء تكمل الجزء الباقي، وأنا سافرت برنامج صورت ورجعت وخلاص، ولما أتعرضت المسرحية انهاردة في العيد ملقتش اسمي على التتر ولقيت اسم ريم العدل بس، وده مش الطبيعي إن يتحط اسم حد واحد بس وفي شخصين اشتغلوا عليها”.
مسرحية “كوكو شانيل”، من تأليف مدحت العدل، وإخراج هادي الباجوري، وإنتاج شركة “العدل جروب”، ومدير التصوير أحمد المرسي، مهندس الديكور محمد عطية، مونتير، أحمد حافظ، مصمم الرقصات، هاني أباظة.
"المجد ولا شيء يساويه".. 6 تشابهات بين حياة شريهان و"كوكو شانيل" على خشبة المسرح
