رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

ريهام سعيد تعتزل الإعلام نهائيا من أجل التمثيل (صورة)

ريهام سعيد
فن
ريهام سعيد
الأربعاء 21/يوليو/2021 - 07:25 ص

أعلنت الإعلامية ريهام سعيد، اليوم الأربعاء، عن اعتزالها العمل الإعلامي من أجل ممارسة هوايتها في التمثيل. 

وقالت ريهام سعيد عبر حسابها الرسمي على “إنستجرام”:" فكرت كتير قبل ما اكتب البوست ده، أنا اعتزلت التمثيل سنة 2015، لأني حسيت إن صاحب بالين كداب وإن التمثيل مأثر على مسيرة الخير اللي ابتديتها من سنين طويلة عشان الوقت والمجهود اللي بعمله". 

وذكرت أن عشقها للتمثيل الذي يُعتبر دراستها ومهنتها الأولى قبل الإعلام دفعها للعودة مرة أخرى للتمثيل، وهي في نظر المخرجين مذيعة ترغب في التمثيل، مضيفة "كنت عارفه إن عشان آخد مكان كممثلة لازم أسيب الإعلام زي مع حفظ الألقاب داليا البحيري وبسمه ودينًا فواد ودينا الشربيني وغيرهم، بس مكنتش قادرة أسيب رسالتي اللي كانت مهمه أوي وقتها". 

إعلان ريهام سعيد اعتزالها عبر إنستجرام

وأشارت إلى أنها تعرضت للعديد من المشاكل من المهنة بتأثير باطل من “السوشيال ميديا” من منافسين وأعداء بسبب نسب المشاهدة العالية والنجاح، لافتة “أنا تعبت وحاسه إني قدمت كل اللي ممكن يتقدم والدولة عامله اللي عليها ومش محتاجين دور المجتمع المدني في مساعدة الناس، ولكن أنا ليا الشرف إني اشتغلت في المهنة العظيمة دي اللي ليها رساله سامية وعظيمة، وليا الشرف إني كنت إعلامية في أصعب وقت مر علي الإعلاميين أيام حكم الاخوان والحمد لله كان لينا موقف واضح وماتغيرش ولا دقيقة”. 

وتابعت:"أنا الحمد لله حققت في التمثيل وكل اللي اشتغلته علم مع الناس واشتغلت أعمال كلها قيمة بس بعد ما جالي السكر وشوية مشاكل تانية قررت أعمل اللي بحبه، أنا بكل أسف بعلن اعتزالي الإعلام تماما وهاركز كممثلة، وهاطلب من الدكتور أشرف زكي إنه يساعدني إني أغير الفكرة الموجودة في أذهان المخرجين والمنتجين إني مذيعة. 

وأضافت:"ورسالة للأستاذة كاملة أبو ذكري ومش مكسوفة، نفسي أوي أمثل معاكي حتي لو مشهد ده من أحلامي".

وشددت على خطورة هذه الخطوة التي اتخذتها لكن على الأقل تجري وراء حلمها في هذا السن، لافتة إلى أن الوقت جاء للاستمتاع بما تفعله وتحبه، خاصة في عصر لا يوجد فيه واسطة أو محسوبية ويصل فيه من يجتهد. 

واختتمت منشورها:"ماتسيبوش حلمكم مهما فات الوقت، بشكر جمهوري من الأمهات والشباب والأطفال اللي دائما بيدعموني، وبشكر ربنا علي عشرين سنة إداني الفرصة فيهم إني أقضي حوائج الناس وأقدم كل ما هو مفيد، فخورة بكل حلقة وبكل حرف قدمته خلال 20 سنة تعب وسهر، أنا آسفة ليكوا بس التمثيل رسالة برضوا وهو حلمي الأساسي اللي اتأخرت أوي عشان أحققه يارب وفقني وساعدني.