الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد آدم عن السوشيال ميديا: "فيس بؤس وسرايا صفراء" (فيديو)

أحمد آدم
فن
أحمد آدم
الجمعة 23/يوليو/2021 - 03:16 ص

كشف الفنان أحمد آدم كرهه لمواقع التواصل الاجتماعي، مؤكدًا أنه مؤكدا أنه لا يملك سوى حساب واحد على أحد هذه المواقع مقتصر على الأصدقاء فقط وذلك من أجل أن تكون له عين تطلع على ما يحدث في العالم.

 

وقال أحمد آدم خلال لقائه ببرنامج "مساء "dmc، للإعلامي رامي رضوان: "أنا مسميه الفيس بؤس، وماليش حساب على تويتر ولا على فيس بوك ولا انستجرام، مش بحب أى وسائل تواصل اجتماعي من زمان..لكن عامل حساب لنفسي أنا وأصدقائي زي عين سحرية أبص بها العالم ماشي ازاي، كتير أوي بتخنق لأن بتدخلي ناس غريبة، أو حد يبعت لي خبر أو حاجة..صدق اللي سماه السرايا الصفراء".

 

واستكمل: "متفهمش ايه حصل للناس، كل شخص عنده 5 آلاف بني آدم بقى يحس أنه له نفوذ، واللي البوست بتاعه يجيب 18 آلاف لايك بقى محلل استراتيجي، ومحلل سياسي وبقى بيفهم...ياعم نجمع لك 18 ألف لايك بس ابعد عننا".

 

وأضاف: "أنا كان لي الشرف أجلس مع نجيب محفوظ، وكان بيحب شخصية القرموطي، وقال لي أنت عارف ان القرموطي ده موجود فى كل قرية، واحد يتدخل فى أى شئ، وأنا قولت له جبت الشخصية من الناس دي".

 

وأردف: "كمان الكوميكس أنا بستغربها جدًا، ازاي حافظين الفيلم، وازاي تربط الإيفية بالحدث ويكون بيضحك، ومشكلة الشعب المصري أنه بيحكي علشان كده المصري مش محتاج لطبيب نفسي، والحكاية دي بتشفي، وتخلينا أسوياء، لكن الفضفضة زادت عن حدها والفلسفة والمنظرة، وسرقة البوستات زادت من غير ما يكتب أنه منقول مثلًا".

وأستكمل: "جيلنا اتعود لما يقرا مقولة لحد يقول إنه ا منه، مش عيب تقول أن حد حكالي حكاية حلوة أو أن شخص عرفني معلومة، حاجة حصلت لصديقك ليه تقول إنه ا حصلت لك، من زمان مش مستوعب فكرة أكلم واحد هو عارفني وأنا مش عارفه، عشان كدا صفحتي مش فيها غير 200 أو 250 أصدقائي فقط".

 

تابع مواقعنا