حماقي يتغزل في شريهان بعد عرض "كوكو شانيل": "بتخطفي قلب اللي بيتفرج عليكي"
وجه الفنان محمد حماقي رسالة يعبر فيها عن حبه وامتنانه للنجمة شريهان بعد تألقها في مسرحيتها الأخيرة "كوكو شانيل" التي بدأ عرضها في أول أيام عيد الأضحى المبارك على منصة "شاهد".
ونشر حماقي صورة لشريهان من المسرحية عبر حسابه الخاص بموقع تبادل الصور والفيديوهات “انستجرام” وعلق كاتبًا: “العيد ما بيكملش غير لما بنشوف الناس اللي بنحبهم”.
وتابع: "أنا حسيت بده جدًا لما اتفرجت علي "كوكو شانيل" كأنك مغيبتيش وكأنك عمري ما نزلتي من علي خشبة المسرح.. طول عمرك نجمة كبيرة أوي بتخطفي عين وقلب اللي بيتفرج عليكي بمنتهي البساطة ومنتهي السحر".
واستكمل: "العيد برجوعك عيدين يا شريهان شكرًا على العمل العظيم ده وشكرًا إنك رجعتي ومن فضلك اوعي تغيبي عننا تاني وعاوز أشكر كل فريق العمل الجبار اللي اشتغل علي عرض مسرحي مصري بمعايير عالمية".
مسرحية “كوكو شانيل” من تأليف مدحت العدل، وإخراج هادي الباجوري، وإنتاج شركة “العدل جروب”، ومدير التصوير أحمد المرسي، مهندس الديكور محمد عطية، مونتير، أحمد حافظ، مصمم الرقصات، هاني أباظة، ومصممة الأزياء ريم العدل.
