لاعب الإسماعيلي السابق عن التفويت أمام الزمالك: هو ده مستوانا

علق أحمد سمير فرج، لاعب الإسماعيلي السابق، على هزيمة الفريق أمام الزمالك بثنائية دون رد، في المواجهة التي جمعتهما اليوم على ملعب استاد الإسماعيلية، وانتهت بفوز الزمالك بثنائية دون رد.

وكتب أحمد سمير فقط، عبر صفحته الرسمية، على موقع التواصل الاجتماعي فيسبوك: طب عشان الهري والله العظيم الإسماعيلي مش مفوت الماتش، بس هو ده مستوانا خصوصًا ضد الفرق الكبيرة، والدليل علي كلامي ماتش الأهلي، الأهلي مضيع 3 انفرادات أنا مش فاهم الناس شايفة إننا كنا كويسين ضد الأهلي إزاي باستثناء فوزي وأربعة أهداف محققة، واللي عايز يهري يهري.

واستكمل أحمد سمير فرج في منشور اخر:" طب عشان موضوع التفويت، هو امتي اخر مرة الإسماعيلي فاز ع الزمالك عشان يفوت، الزمالك كسبنا الدور الأول وفي الكأس، اللي هيقولي شيلونجو بيجري ازاي ولا الجول فاضي هقوله لو بتتفرج عليه هتعرف، كل الماتشات الكبيره زفت بيراميدز اتعادلنا واحنا وحشين، الأهلي كان سهل يكسب ٣ لولا توفيق فوزي، الإسماعيلي الدور الأول 17 ماتش كسبنا ماتش والجهاز الفني عمل من الفسيخ شربات، كابتن إيهاب جلال من أكثر الناس اللي محترمة في المجال ده.
واختتم نجم الإسماعيلي السابق: ومش هعلق ع الموضوع ده تاني دي الخلاصة، وهنفضل ندافع عن النادي لآخر الدوري.