أول تعليق لـ شيرين عبد الوهاب: “هاتوا لي حزام ناسف أفجر نفسي علشان تعرفوا إني بحب مصر” (فيديو)
علقت الفنانة شيرين عبدالوهاب، على ما أُثير بشأن قولها إنها تصفف شعرها مقابل 3000 دولار، مؤكدة أنها «لن أسمح بالتشكيك في حبي لبلدي، ومصر بالنسبة لي خط أحمر، ونحن قوة مصر الناعمة، وربنا أنعم علينا بحب الناس».
وقالت شيرين، خلال مداخلة هاتفية مع الإعلامي عمرو أديب مقدم برنامج «الحكاية»، المُذاع عبر فضائية «MBC مصر»: «أيوة أنا بدفع 3000 دولار بس عشان أغير لوك، لكن مش كل مرة هسرح شعري فيها هدفع نفس المبلغ».
وأضافت: «أنا لما قلت الكلام ده كنت بهزر، وقلت أعمله جل زي ما ابتديت، وعملت القَصَّة عشان كده»، مضيفة: «تصرفاتي البسيطة بتتاخد غلط.. وأيوة مش هصرف 3 آلاف دولار عند الكوافير، وأنا دايما بهزر مع الناس في الحفلات».
وتابعت: «الحفلة مكنتش مصورة، ولعائلات فقط، ولم يكن فيها أي خمور، وأنا حبيت موضوع كسر الترابيزة في الحفلة، وقولت للناس أهلا بيكم والموقف هيتصلح حالًا».
وردًا على سؤال عمرو أديب، “تفتكري مين مترصد لك؟”، ردت النجمة شيرين، “مش عارفة يا عمرو بس المؤمن دايمًا مُصاب”، واستشهدت شيرين بالملحن حلمي بكر في نجاح الحفل وترديد الجماهير من الجاليات العربية للأغاني التي كانت تقدمها.
