تعرف على كلمات أغنية تتر مسلسل "نسل الأغراب"
بدأت قناة "on" اليوم بعرض أولى حلقات المسلسل التليفزيونى الرمضاني"نسل الأغراب" من بطولة أحمد السقا وأمير كرارة، ونالت أغنية التتر للفنان تامر حسنى؛ على إعجاب الكثير، وحققت نسب مشاهدة عالية على موقع الفيديوهات الشهير "يوتيوب" فى وقت قصير من عرض الحلقة.
وتقول كلمات الأغنية: من صلب بعض على الورق وفروعنا من طريقين.. والود فى قلوبنا انحرق، عدى السلف والدين. صدق اللى قال إن الزمن لو تأمنه ينهيك...نسلك يا آدم من زمن فيه الخسيس والزين، دبحوا الأصول لجل الوصول دول كدابين زفة.. كتر السواد وعمى العباد خلى القلوب جافة...عجبى على اللى عماه غروره عايش سنينه خراب.. أغراب ومن نبت التراب ما نزلوش كفة. قصة قبيل عادها الخلف صبحوا القلوب أغراب ظل الشموس جوة النفوس عتمة سواد وسراب، عجبى على النسل اللى عاش يحصد فى زرع الغير وفى دمه ده نهب البشر عنده الجشع غلاب. مركب وشايلة دنس البشر عايمة بشراع مكسور، والخلق من شر العمل بيعلوا سور وجسور...أرض السلام نزفت حروب يا مخالف الفطرة.. الكره ليه فى روحك بحور والحب بالقطرة...حكم الغراب نشن وصاب وأتصاب ألوف بأذاه طبع الطمع فى صوته اتسمع أصل النفوس شارباه. قصة قبيل عادها الخلف صبحوا القلوب أغراب ظل الشموس جوة النفوس عتمة سواد وسراب...عجبى على النسل اللى عاش يحصد فى رزع الغير، وفى دمه ده نهب البشر عنده الجشع غلاب.
