الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أبويا طلع يجري ورايا بلوح إزاز.. تريند ذكريات الثانوية العامة يتصدر تويتر | صور

طلاب - أرشيفية
تقارير وتحقيقات
طلاب - أرشيفية
الإثنين 16/أغسطس/2021 - 08:08 م

تبقى ساعات قليلة على إعلان نتيجة الثانوية العامة، ويمر الطلاب بحالة من التوتر والذعر خوفا من الحصول على نتائج غير مرضية، وضياع حلم الالتحاق بالكليات التي ما دام كانت حلمهم منذ الصغر.

وأعلنت وزارة التربية والتعليم والتعليم الفني موعد إعلان النتيجة المقرر غدا الثلاثاء 17/8 في تمام الساعة الواحدة ظهرا، في مؤتمر صحفي مشترك بين وزارة التربية والتعليم الفني ووزارة التعليم العالي، ويتم الإعلان عن مؤشرات التنسيق خلال المؤتمر.

ردود أفعال الطلاب قبل ظهور نتيجة الثانوية العامة 2021

ويأتي دور الدفعات السابقة للثانوية العامة في تصدير شعور الاطمئنان لطلاب الثانوية العامة 2021، وذلك من خلال مواقع التواصل الاجتماعي، حيث تصدر على موقع التواصل الاجتماعي تويتر هاشتاج #ذكريات نتيجة الثانوية العامة.

ويحكي الطلاب لحظات معرفتهم النتيجة، فعلقت خلود على تويتة بعنوان “احكيلنا ذكرياتك مع نتيجة الثانوية العامة”، “معرفتش انام طول الليل وقلقانه لحد الصبح وماما زغرطت من الفرحه مع اني كنت جايبه 65% وكلهم فرحولي لمجرد اني عديت من السنه صافي”، وجاء رد حسن مصطفى مطمئنا الطلاب “لما جبت النتيجة مجموعي مكنش حلو 93% ودخلت آداب والحمد لله علي اختيار الله”.

ذكريات نتيجة الثانوية العامة

ولا تخلو اللحظات الصعبة من روح الكوميديا كعادة المصريين، حيث جاء رد أبو عويضة مخالفًا لتوتر الثانوية العامة فعلق قائلا: “كنت مطرود م البيت قبل النتيجة بيوم وابويا طلع يجري ورايا بلوح ازاز ف اليوم دا، تاني يوم جبت 95.5 ودخلت هندسة لقيته واخدني بالحضن ولا كأني كنت عامل مصيبة امبارح”، وعلق معاذ ذكريا مستخدما روح الدعابة “هربت يومها طول اليوم بعيد عن أي حد من العيلة”.

ذكريات نتيجة الثانوية العامة
ذكريات نتيجة الثانوية العامة

وخالفت ميرنا توقعات والدها فعلقت “ليله النتيجة كنت سهرانة مع اختي وصاحبتها وبابا قالي هتجيبي 85 أو أقل، والحمد لله انتصرت عليهم ودخلت كليه اقتصاد وعلوم سياسية بمجموع 98%”

وعلى النقيض كانت لحظات معرفة نتيجة الثانوية العامة لبعض الطلاب حزينة، حيث عبرت دنيا عن رضاها بالنتيجة برغم حزنها معلقة: “كان اوحش يوم ف حياتي اقسم بالله عن كميه العياط انا وماما كنت حاسه الدنيا كلها وقفت قدامي ف الوقت دا بس رجعت قولت الحمد الله ربنا عايز كدا”، كما جاء رد شاهندا مطابقا لشعورالحزن، فقالت “الثانويه هدت حيلي فضلت اذاكر لما طلع عيني اكتر من 10 ساعات لحد م بقوا كلهم يقولولي ي دكتوره وجيرانا كمان لحد م جيت اجيب النتيجه لقيتني جايبه 70%”

ذكريات نتيجة الثانوية العامة

وفي النهاية يبقى رد مي صلاح هو الأصح والأمثل “ممكن تتعب في المذاكرة، فتحل وحش في الامتحان، فتجيب مجموع قليل، فتدخل كلية مش عايزها علشان تقابل واحد يكون السبب إنك تشتغل في مكان كبير عمرك ما حلمت تشتغل فيه..! أوعى تفتكر إن تعبك في المذاكرة هيساوي المجموع، خليك متأكد إن ربنا عادل ومفيش تعب بيروح هدر عند ربنا”.

ذكريات نتيجة الثانوية العامة
تابع مواقعنا