أحمد أمين يحكي قصته مع نتيجة الثانوية العامة: بشكر الواحد في المية اللي مجاش
وجه الفنان أحمد أمين رسالة لطلبة الثانوية العامة ساردًا ما حدث معه يوم نتيجة الثانوية العامة، إذ قال إنه كان يتمنى دخول كلية إعلام لكن المجموعة لم يسمح له بسبب جزء من عشرة في المائة، ممتننًا لمجموعه الذي وجهه في النهاية لكلية الفنون الجميلة لكنه كان حافزًا له أن يخوض الطريق الذي يحبه حتى وصل للعمل رئيس تحرير قبل أن يتجه للتمثيل.
وكتب أحمد أمين عبر صفحته الرسمية بموقع فيس بوك: “لما بفتكر ثانوية عامة بشكر الواحد في المية اللي مجاش.. لو كان جه معرفش كنت هبقى فين!فرقت معايا على جزء من عشرة في المية.. عشان أدخل إعلام الكلية اللي كنت عايزها ساعتها.. فدخلت فنون جميلة.. واشتغلت في الصحافة لحد ما وصلت رئيس تحرير وأنا مش إعلام”.
وتابع: "بعدها بقيت ممثل وأصحابي من فنون جميلة بقو فريقي اللي عملنا مع بعض البلاتوه..أنا عارف يوم النتيجة بتبقى زعلان أو فرحان علشان فاكر إن دي نتيجة مرحلة.. لكن الحقيقة إنها بداية مجموعة اختيارات كتيير.. كلها ممكن توصل للنجاح عادي جدًا".
واستكمل: “أصل النجاح مش مرحلة من الدراسة.. ده مشوار كبير وطريق طويل وتغييرات كتير.. ممكن التفوق يبقى نقمة وممكن عدمه يبقى نعمة.. المهم هنكمل إزاي وهنختار إيه.. مبروووك من قلبي لكل الناس اللي طلعت نتيجتهم بغض النظر عن نتيجتهم.. مبروك عليك بداية اختياراتك!”.
أحدث أعمال أحمد أمين
على جانب آخر، يشارك أحمد أمين في مسلسل مكتوب عليا مع الفنان أكرم حسني، المقرر عرضه ضمن المارثون الرمضاني المقبل 2022، وتدور أحداثه في إطار كوميدي، من تأليف إيهاب بليبل وإخراج خالد الحلفاوي، ومن المقرر أن تختار الشركة المنتجة باقي الأبطال خلال الفترة المقبلة.
ويُشار إلى أن آخر أعمال أحمد أمين في الدراما مسلسل ما وراء الطبيعية الذي حقق من خلاله نجاحًا كبيرًا، وشارك بها كل من الفنانة رزان جمال، آية سماحة، سما إبراهيم، الطفلة ريم عبد القادر، رشدي الشامي، من إخراج عمرو سلامة.
