محمد شيحة يكشف موقف إيهاب جلال من التجديد للإسماعيلي
كشف محمد شيحة وكيل اللاعبين عن موقفه من التجديد لإيهاب جلال المدير الفني للإسماعيلي، مؤكدًا أنه يتمنى استمراراه مع الدراويش خلال الموسم المقبل.
وكتب شيحة عبر صفحته الرسمية على موفع التواصل الاجتماعي فيسبوك: “توضيح ياجماعة بسيط بخصوص كلامي عن تجديد كابتن إيهاب جلال للإسماعيلي وإنه تفاوض وخلص اتفاق مع بيراميدز، هي مش خناقة خالص من الآخر، قسمًا بالله أنا على المستوى الشخصي بتمني من كل قلبي ان الكابتن إيهاب يجدد في الإسماعيلي لأنه ده موضوع مهم جدًا للنادي الاستقرار على المستوى الفني للفريق”.
واستكمل محمد شيحة: “كل اللي أنا عاوزه كمشجع للنادي إن الكابتن إيهاب يبقى واضح سواء هيجدد أو لأ ولو عنده شروط يكتبها في العقد ويوقع ونخلص من الموضوع ده، لأن مافيش وقت باختصار الموضوع بسيط للي عايز يفهم.. ودي آخر مره هتكلم عن الموضوع ده”.
وكان محمد شيحة قد أكد في وقت سابق توقيع إيهاب جلال المدير الفني الحالي للإسماعيلي، على عقود تدريب نادي بيراميدز الموسم المقبل.
ورد تامر النحاس، وكيل إيهاب جلال على تصريحات محمد شيحة، نافيًا توقيعه لأي نادي، وأنه لن يتخذ قرارًا قبل نهاية عقده بشكل رسمي، قائلًا: أقسم بالله إيهاب جلال لم يوقع لبيراميدز، إلا لو كان محمد شيحة مخاوي".
