محمود سعد: محمد رمضان مغرور وأنصحه بالاعتذار لأسرة الطيار
وجه الإعلامي الكبير محمود سعد نصيحة للفنان محمد رمضان، وذلك بعد حالة الجدل التي أثاره في الفترة الماضية، بعد إعلان حصوله على الدكتوراه الفخرية من لبنان، ومنحه لقب سفير الشباب العربي، لينصحه الأخير، بالكف عن افتعال الأزمات، وأن يفكر من جديد في مستقبله، ناصحًا له بأن يعتذر لأسرة الطيار الراحل أشرف أبو اليسر، الذي تسبب في فصله من عمله.
ونشر محمود سعد فيديو، عبر حسابه الشخصي بموقع التواصل الاجتماعي فيس بوك، قائلًا: صلح مشكلة الطيار روح للعيلة واعتذر، ومتخليش الحياة تغرك، خلي بالك في ناس بتحبك، أنت لسه صغير وبتمثل كويس، أعمل حفلات واتبسط، وحافظ على نفسك أنت صغير لسه اللي عملته غلط صلحه.
محمد رمضان
وتابع محمود سعد: محمد رمضان مغرور، أهدأ وأُصلح أخطائك، أعتذر عن حكاية إسرائيل، وأذهب لأسرة الطيار وقدم لهم الولاء والطاعة حتى يرضوا، هو ده البني آدم الجليل، لو عملت كده هتلاقي حياتك بقت أجمل، وهتلاقي نفسك نفسًيا بقيت أحسن.
وأضاف: أنا معرفش والدتك ولا أعرف هتقولك أيه، واقعد جمب والدتك وشوفها هتقولك أي، وأعمل اللي تقولك أي هتلاقي حياتك اختلفت، الحياة مش جوائز وفلوس فقط، أنا جربت حب الناس لكن مش قدك، أنا قليل وأنت جربت هذا الكبر بشكل أكبر مني، لكن الصغير ده بالنسبالي بالدنيا.
أزمة محمد رمضان
واستكمل حديثه قائلًا: عندك 25 سنة وكنت بتاخد 30 مليون جنيه، فريد شوقي مخدش الأرقام ديه، وده يلخبط بلد، محمد رمضان ابننا وأنا مش مبسوط باللي حصل، وبتمنى له حياة سعيدة، وهذا من باب النصيحة له.
