الإعلامية أسماء مصطفى تشكر مهنئيها بعيد ميلادها: مكنتش قادرة أبتسم
وجهت الإعلامية أسماء مصطفى، الشكر لكل أصدقائها وجمهورها الذين هنأوها بعيد ميلادها، تزامنًا مع ابتعادها عن الإعلام نظرا لإصابتها بالسرطان وبدأها رحلة العلاج.
وكتبت أسماء مصطفى عبر حسابها على موقع التواصل الاجتماعي فيس بوك: أنا بجد مهما قولت مش عارفة أشكركم إزاي لكل الناس الحلوة الجميلة اللي حواليه أنا فعليا كنت مليش نفس حتى أفتكر عيد ميلادي ولا كنت حتى قادرة أبتسم بسبب المعاناة اللي أنا فيها ربنا يكفيكم شرها.
وتابعت: بس لو شفت الرسايل الجميلة والمعايدات والدعوات لاقتني فرحت أقوى وحسيت بأعمة الحب وجبر الخاطر حقيقى اسعدتوني وهونتوا عليه الوقت اللي بمر بيه شكرا لكل اللي افتكرني وبعتلي وأهتم وطبعا دعواتكم ربنا يتقبلها اللي بتكون أكثر حاجة محتاجة ليها وأعذروني لتقصيري في الرد والله غصب عنى ربنا يكفيكم شر المرض اللعين وكل الأمراض ويشفى كل مريض ويفرحكم زى ما فرحتوني.
أسماء مصطفى تطالب بالفحوصات
وسبق، وطالبت الإعلامية أسماء مصطفى جمهورها بضرورة الذهاب إلى المستشفيات والخضوع للفحوصات الطبية، وعدم الاعتماد على المسكنات، في حالة الشعور بأي ألم، لتفادي أي تدهور في الحالة الصحية.
