يوسف عثمان يكشف موعد عرض الجزء الثاني من وادي الجن | فيديو
أعرب الفنان يوسف عثمان عن سعادته بالمشاركة في مسلسل وادي الجن، مشيرًا إلى أن موعد طرح الموسم الثاني منه سيكون في نهاية العام، مؤكدًا أن ظروف تصوير العمل كانت صعبة جدًا.
قال يوسف عثمان في تصريح خاص لـ القاهرة 24: وادي الجن ظروف التصوير فيه كانت صعبة جدًا…حقيقي كان فيه كمية بهدلة رهيبة، كمان إحنا صورنا الموسم الأول مع الموسم الثاني، لأن في مواقع تصوير كثيرة مشتركة، ودي حاجة كانت صعبة.
أشار يوسف عثمان إلى أنه يحب فريق عمل المسلسل، وشخصية خالد التي جسدها في المسلسل قائلًا: أنا بحب الدور ده جدًا، لأن هذا أول دور كوميدي صريح، وأستاذ حسام الجوهري المخرج كان مديني مساحة إني ارتجل، وكنت برتجل فعلًا، وبطلق العنان.
أضاف: الواحد بيكون خايف شوية في الأول، لكن كل اللي شاف دور خالد الحمد لله عجبه الشخصية وعجبه الشغل كله.
يوسف عثمان
عن فريق عمل مسلسل وادي الجن، أردف: كنا بنقضي وقت مع بعض كبير عشان كده عرفنا بعض، كنا مش بنشتغل على أساس أن كل واحد جاي يشتغل ويروح لحاله، لكن إحنا أصدقاء ونتقابل لحد الآن، وده شيء أنا مبسوط به جدًا، لأن في ناس تقولك إحنا طول العمل كنا أسرة وبعد العمل يبقى خلاص.
الجزء الثاني من وادي الجن
اختتم يوسف عثمان، تصريحاته عن الجزء الثاني من مسلسل وادي الجن، قائلا: في أكثر من شخصية هتغير ولائها في الجزء الثاني، وهو هيتعرض قريبا.. يعني على آخر السنة.
