رئيس التحرير
محمود المملوك

ابنة أحمد راتب: الناس ماتعرفش إن مناخيرك اتكسرت في تصوير مشهد وأثرت على حياتك كلها

أحمد راتب
أحمد راتب

أعربت ابنه الفنان أحمد راتب عن فخرها بوالدها، مشيرة إلى أنها كانت لا تراه أحيانًا لمدة طويلة بسبب ظروف عمله، الصعبة.

ونشرت لمياء ابنة أحمد راتب، صورة والدها الراحل، وعلقت عليها قائلة: تصدق يا بابا إن لحد دلوقت فيه ناس فاكرة إن شغلك كان سهل، إنه كان هزار ولعب وشهرة بس، مايعرفوش إننا كان ممكن نقعد يومين مانشوفكش من غير ما تكون مسافر لأنك كنت بتصور 18 ساعة متواصلة.

ابنه أحمد راتب عبر فيس بوك

وأضافت لمياء ابنة أحمد راتب: ميعرفوش إنك كنت بتقف على المسرح ودرجة حرارتك 40، مايعروفش إنك كان ممكن تنام ربع ساعة في كرافان في التصوير لحد لما المشهد يجهز، أو تقعد تستنى 3 ساعات عشان يظبطوا إضاءة مشهد هياخد ف تصويره ساعتين وهيظهر على الشاشة 3 دقايق، ميعرفوش إنك كنت بتلبس صوف في أغسطس وبتنزل البحر في يناير.

ابنة أحمد راتب

وتابعت لمياء: مايعرفوش أن مناخيرك اتكسرت ف تصوير مشهد وأثرت على حياتك كلها، مايعرفوش أنك كنت بتحترم المخرج وتسمع كلامه وتقول له يا أستاذ حتى لو أصغر منك بعشرين سنة.

وأشارت ابنة الفنان الراحل أحمد راتب إلى أنها فخورة بوالدها، وفخورة بتعته على مدار حياته وتقدر أعماله الفنية التي قدمها طوال مشواره الفني.

لمياء أحمد راتب

وتابعت لمياء أحمد راتب: أنا فخورة قوي إني بنتك، أنا عمري ما هنسى تعبك وشقاك اللي كبرت عليهم، أنا عمري ما هنسى إنك كنت أحن أب وإنسان في الدنيا.

واختتمت حديثها قائلة: ربنا أنعم عليك إنك تربي بناتك التلاتة وتجوزهم وتشوف ولادهم، وبعت لك حج بيته لحد عندك هدية من شركة السياحة لكل طاقم عمل مسلسل أم كلثوم، لو مكنتش في الجنة بكل اللي فات ده، فا أنت في الجنة بقلبك السليم الطيب.. بحبك قوي وهفضل أدعي لك لحد لما أجيلك.

عاجل