رضوى الشربيني تحتفل بعيد ميلادها الـ40: شكلي كبرت | صور
احتفلت الإعلامية رضوى الشربيني، بعيد ميلادها الـ40، وسط عددًا من أصدقائها والذين فاجئوها بحفل عيد الميلاد.
ونشرت رضوى الشربيني، صورًا من حفل عيد ميلادها على حسابها الشخصي بـ انستجرام، وعلقت قائلة: خلاص كده النهارده تميت 40 سنة وشكلي كبرت بجد، لكل أهلي وأصحابي وحبايبي شكرًا على كل كلمة وكل معايدة ورسالة ومكالمة تليفون، أنتم أحلى حاجة في الدنيا.
وفي وقت سابق، تذكرت الإعلامية رضوى الشربيني، والدتها بكلمات مؤثرة، وذلك بعد رحيلها متأثرة بفيروس كورونا المستجد.
رضوى الشربيني تتذكر والدتها
وكتبت رضوى الشربيني على الصور التي نشرتها: زي النهاردة كنا كلنا بنحتفل بعيد ميلادك، زى النهاردة كنت بقولك كل سنة وأنتٍ أجدع وأحن وأطيب أم في الدنيا، زي النهاردة كنت بدعي ربنا أنه يخليكي لينا ومايحرمناش منك، والنهاردة أول مرة هقولك عيدك في الجنة يا أمي بس هفضل أقول أنك أجدع وأحن وأطيب أم لحد ما أموت، ربنا يرحمك ويجعل مثواك الجنة، ويصبرنا على فراقك.
سبق، وعايدت رضوى الشربيني والدتها في عيد الأم، وكتبت على انستجرام: أول عيد أم من غيرك، أول مرة أصحى وما أبوسش إيدك وأقولك أنك أجدع ست وأحن وأطيب أم في الدنيا، أول عيد أم ما أجبش فيه هدية وورد وأنت تحضنيني وتدعيلي.
