الإمكانيات لا تسمح.. مدرسة لغات ترفض نشر دورس أونلاين للطلاب وتقلل مدة الحصة الدراسية

تقليل المدة الزمنية للحصة وزيادة المصروفات وعدم نشر دروس أونلاين، أبرز 3 شكاوى أجمع عليها عدد كبير من أولياء الأمور في مدرسة ليسيه الحرية في مصر الجديدة للغات بالقاهرة، وعلى الرغم من التقدم من العديد من أولياء الأمور بالاستغاثات، فإنهم لم يستجب لهم أحد من إدارة المدرسة أو الإدارة التعليمية. 

آمال عماد، ولي أمر لاثنين من الطلاب بالمدرسة، تقول إنهم يواجهون أكثر من مشكلة مع إدارة المدرسة بسبب تغييرها لمواعيد اليوم الدراسي، وتقليل المدة الزمنية للحصة، إذ إنه في السنوات السابقة كانت مواعيد الدراسة من 8 الصبح حتى الساعة 2:30 ظهرًا، ولكن تم تغييرها وتقصير مدة الحصة الدراسية بسبب بناء كوبري على مقربة من المدرسة، وعلى الرغم من انتهاء العمل بالكوبري، فإنه لم تعد المدة الزمنية للحصص كما كانت في السنوات السابقة أو مواعيد الحضور بالمدرسة.

وتقول ولية الأمر لـ القاهرة 24 إن أولياء أمور الطلاب بالمدرسة يطالبون برجوع المواعيد الرسمية القديمة في السنوات الماضية؛ بسبب عدم اشتراك كثير منهم في الباص الخاص بالمدرسة، إضافة إلى بعد المدرسة عن أماكن عمل العديد من أولياء الأمور؛ وهو ما يتطلب منهم الذهاب للمدرسة لانتهاء حصص أبنائهم بالتزامن مع مواعيد عملهم، متابعة: لما سألنا عن عدم توفير دروس أونلاين قالوا مفيش إمكانيات على الرغم من أننا في مدرسة خاصة وبندفع أرقام كبيرة.

وعلقت سارة النادي، ولي أمر لطالبة بالمدرسة، على منشور بجروب ائتلاف أولياء أمور مصر، قائلة: المواعيد صعبة جدا من وقت حجة الكوبرى لما ابتدائي تخرج الساعة 1 وهما محتاجين تأسيس وشغل أساسًا، حاجة تانية ليه المصاريف المتزايدة كل شوية بشكل مش منطقي وما فيش خدمة مقدمة قصادها، ولا حتى في زووم كلاس، وفعلا المدرسة محتاجة تطوير للأبنية بتاعتها والفصول واهتمام بالحمامات أكتر من كدة.

ولفتت أمنية كمال قائلة: الولاد مستفدوش الفترة اللي فاتت خصوصا من أزمة كورونا، وبرضوا في بعض المدرسين عندهم ضمير وبيحاولوا يعملوا اللي يقدروا اللي عليهم في ظل الظروف والإمكانيات المتاحة ليهم، وللأسف المصاريف مفيش قصادها الخدمة المطلوبة.

وتابعت كمال: للأسف مفيش اهتمام بتطوير المباني والفصول والديسكات والحمامات رغم إن دي مدرسة عريقة وليها تاريخها، مثلا مدارس الراهبات، رغم إنها قديمة برضوا وعريقة ومصروفاتها قريبة جدا من الليسيه لكن دايما في تطوير واهتام بالمظهر وتنافس مدارس خاصة حديثة.