محمود جنش: لعبوا في العقد بتاعي ومعملتش فلوس في الزمالك
أبدى محمود عبدالرحيم جنش حارس مرمى فريق فيوتشر والمعار من نادي الزمالك حزنه من الطريقة التي رحل بها عن الفريق الابيض، في ظل تاريخه داخل القلعة البيضاء.
وقال حنش في تصريحات تلفزيونية: "معرفش ايه سبب رحيلي من الزمالك، في معسكر اسكندريه في واحد من الوكلاء المقربين من النادي والناس عارفاه جابلي عرض قولتله انا بلعب دلوقت همشي ليه قاللي يا جنش انا عارف انهم هيمشوك قولتله انا مركز في الدوري واستنى بعد الدوري".
وأضاف: "ماتش وادي دجله كارتيرون قالي انا ريحتك مع باقي اللعيبه واتدرب بقوه وكنت عارف اني هلعب ماتش سيراميكا وماتش سيراميكا فوجئت اني بتبلغ اني برا زعقت مع كارتيرون وعليت صوتي جامد، استبعدني من المعسكر وبلغ كمان اني مركبش الاتوبيس مع اللاعبين، انا مستحقش كده والإهانة دي تحصلي بعد كل إلى عملته".
وأكمل: "انا اتلعب في عقدي والمبلغ اللي كنت متفق عليه لقيته متغير وفي اداري في الفريق انا مش عاوز اتسببله في اذيه بسبب مشكله العقود وفالاخر انا اللي اتأذيت منها، انا اقل لعيب في الفريق بياخد فلوس واي عرض جالي كان اعلى من الزمالك لكن انا بشتري النادي وزعلان من اللي حصلي واني مشيت".
شدد محمود جنش: "انا لو كنت ضربت كارتيرون بس ليا علاقات بالصحفيين والمصورين كان النادي هيقف جنبي ويساعدني، الناس في النادي مبتحبش الصريح ولا بتقف جنبه".
