رئيس التحرير
محمود المملوك

علا رشدي توجه رسالة للأمهات: إتعلمي إزاي تقولي "لا".. لازم الأب يتحمل المسؤولية

علا رشدي
علا رشدي

كشفت  الفنانة علا رشدي عن دور زوجها  الفنان أحمد داوود في تحمل مسؤولية التربية والضغوط الأسرية مع الأبناء أثناء دراستهم  وتدريباتهم الرياضية، مشيرة أن زوجها أصبح لديه مهام خاصة في كل شيء بشأن الأولاد.

وقالت علا رشدي خلال لقائها فى برنامج “كلمة أخيرة” الذي تقدمه الإعلامية لميس الحديدي على شاشة “ON”، إن زوجها الفنان أحمد داوود كان فى الأول لم يتواجد بشكل مباشر مع الأولاد بسبب انشغاله بأعماله، معقبًة:أحمد موجود ومكنش الأول  متفرغ بشكل كبير، ولكن كل ما أولاد بتكبر زاد وجوده أكتر مع مواجهة المشكلات.

وأضافت علا رشدي:شاف دلوقتي أن لازم يبقى معانا ويشارك في الحل بقيت بديله مهام، قبل كده مكنش بيحصل لكن دلوقتي بقى بياخد مهام، لأن الست بتغلط لما تشيل كل المهام لوحدها.. ماينفعش اقول عندي  طاقة لكل حاجة سيتعود الأب على ترك الأمور على أعنتها للأم وهيقلي إنتي شاطرة.

علا رشدي

وعن مهامه في الأسرة قالت علا رشدي: بيودي تمارين وبيصحي الصبح معايا وبينيم بليل الأولاد سواء عندي حاجة أوماعنديش في الأول كان مهامه على حسب وقتي، لكن دلوقتي تحت أي ظرف  بيعمل كده  مش شرط  يكون عندي حاجة عشان يقوم بالمسؤوليات أنا برضه محتاجة "وقتي" بقيت بعرف  أققول لا.

ووجهت  علا رشدي رسالة للأمهات قائلة: إعرفوا إزاي تقولوا " لا " لازم  تعرفوا مهام للناس إلى حواليكم زوج أو أم أو أب  أنتي مخلفتيش لوحدك، لازم يشيل مسؤولية صحيح الأم  مسؤوليتها أكبر لكن الأب لازم يتواجد وجوزي دلوقتي بيتولى تعليم ولادي  اللغة العربية.. المسؤولية منقسمة الآن 50%  مناصفقة بين الأب والأم.