رئيس التحرير
محمود المملوك

مؤسس اتحاد أمهات مصر تناقش مع أولياء الأمور أزمة قضية الكثافة الطلابية في المدارس

طلاب
طلاب

طرحت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، قضية الكثافة الطلابية داخل المدارس علي أولياء الأمور، قائله: محتاجة رأيكم كأمهات وأولياء أمور وبطريقة عقلانية.. إزاي نحل كثافة الفصول داخل المدارس.. أولا: حل عاجل مؤقت. وثانيا: حل على المدي الطويل.

وتفاعل أولياء الأمور من الأمهات علي صفحة إتحاد أمهات مصر، عبر  الفيسبوك، حيث قالت ولي أمر: يبقي في المدارس اللى فيها كثافه دى الحضور إختياري مش إجباري يبقي من حق ولى الأمر الغير مقتدر الحفاظ على ابنه بعدم ذهابه المدرسة.

 

وأضافت ولي أمر: تطبيق الفترتين، بناء مدارس جديده، تخصيص فلوس المصروفات لبناء المدارس، كلها حلول فى ايد الوزاره والمديرين، مفيش حلول فى ايدينا إحنا أصلا"، وتابعت أخري: "يقلل عدد أيام الذهاب كل مرحله لها يومين أو ثلاثه ونكتفي بالمواد المهمة.

 


واستكملت ولي أمر: تقسيم أيام الأسبوع ويكون يوم كامل، ويقسم السنة على تلاتة تيرم زى معظم الدول وكل تيرم يعتبر امتحان منفصل، وبكده يعوض نقص الأيام اللى الولاد مش هيروحوا فيها، وده كمان طبعا مناسب لتالتة إعدادى، أما المدى الطويل ده موضوع تانى وطبعا المسؤولية الأكبر على الدولة فى بناء مدارس أكتر وتعيين مدرسين أكتر وأكيد أكيد الزيادة السكانية الرهيبة يكون لها حل.


وقالت ولي أمر: تقسيم الأيام للمدارس اللي كثافتها عاليه مع إلغاء حصص الرسم والأنشطة والحاجات دي كده كده في المدارس الحكومي مش بتتفعل والولاد مش بتستفيد منها، وعلى المدى البعيد لازم بناء مدارس ويوسع مساحه الفصل لأن للأسف المباني الجديده الفصل مبنى صغير جدا ومش مستوعب عدد الطلبه لو حضروا كاملين في الفصل حتى لو قاعدوا 3 في الديسك.


وفي سياق آخر، علق مجدى الجيار، مدير مديرية التربية والتعليم بمحافظة الجيزة، على  ما تداولته مواقع التواصل الاجتماعي بشأن عدم توفير مقاعد بمدرسة كفر نصار الابتدائية التابعة لإدارة الهرم التعليمية بمحافظة الجيزة.

 

وأكد الجيار، على توفير 20 مقعدا لطلاب الصف الخامس الابتدائي، وأيضًا خصم ثلاثة أيام بالأمر المباشر لمدير المدرسة والأمن والمشرف.

وشدد الجيار على ضرورة عمل المدارس ذات الكثافات العالية بنظام الفترات لحل مشكلة الكثافة، موجها مديري عموم الإدارات التعليمية بالنزول للمدارس يوميا وحل أي سلبيات.

عاجل