مواطن من ذوي الاحتياجات الخاصة بالسويس يستغيث: مش عايز غير كرسي متحرك
يعيش إبراهيم وهو من ذوي الاحتياجات الخاصة ويبلغ من العمر 43 عامًا، في غرفة بمفرده في محافظة السويس، وجيرانه هم فقط القطط والكلاب، فليس لديه أهل ولا أصدقاء.
وبدأ إبراهيم حديثه قائلًا: أنا طالب من الرئيس السيسي والمسئولين أنهم يوفرولي عجلة أو كرسي متحرك، أنا مش بتحرك ومافيش حد بيخدمني، أنا ماليش قرايب ولا حد بيسأل عليا، ماليش أي حد تاني غير ربنا.
وأضاف: أنا مابمدش إيديا لحد، وباخد معاش بس مابيكفنيش أكل عيش حاف، أنا مش عايز حاجة من الدنيا غير العجلة عشان بخش الحمام بالعافية.
وأوضح إبراهيم: أنا قدمت في القوى العاملة من أكتر من 15 سنة عشان اتعين واشتغل، بس ماحدش كلمني على أي وظيفة.
وقال إبراهيم من ذوي الاحتياجات الخاصة: أنا عايز أعيش زي ما أي حد بيعيش، وبطلب من الرئيس السيسي إنه يساعدني عشان هو بيخدم الناس اللي زي حالاتي وقال إن أحنا لينا الأولوية عن أي حد، ونفسي حد يحركني عشان أوصله.
وأكمل إبراهيم حديثه قائلًا: من نحو 6 شهور من قبل رمضان في ناس جولي وقالولي متخافش هنساعدك وهنجيبلك كرسي متحرك وعفش للأوضة بتاعتك وهنديك فلوس، ومن ساعتها ماجوش تاني وماعملوش أي حاجة من اللي قالوا عليها.
