الميكانيكي المغني بالمنوفية: الناس كانت بتوقفني في الشارع عشان يسمعوا صوتي
قال الشاب أحمد توفيق عبد الونيس عوض، البالغ من العمر 29 عامًا، وهو من قرية أبو رقبة التابعة لمركز أشمون، بمحافظة المنوفية، إنه اشتهر باسم أحمد البحيري المغني الميكانيكي، واكتشف أنه يمتلك موهبة الغناء منذ أن كان في الصف الثالث الإبتدائي، وأنه بدأ أن يعمل مع والده منذ نفس التوقيت، فكان يتجول في الشوارع ويبيع حلاوة البسكويت التي كان يصنعها والده.
وأضاف أحمد توفيق: كنت بطلع أبيع الحلاوة دي في السوق وكنت بغني وأنا ببيعها، والناس كانت بتوقفني عشان أفضل أغني، ولما بقى عندي 12 سنة نزلت اشتغلت شيال في الموسكي في حارة اليهود.
وأكمل المغني الميكانيكي حديثه قائلًا: وبعد كده اشتغلت في السوق وكنت ببيع أمشاط وفرش وده شغلي حاليًا، وبعد الظهر باجي اشتغل مع كريم صاحبي في ورشة الميكانيكا، وساعات ربنا بيكرمني وبيجلي أفراح بعد المغرب أو بليل وبروح أغني فيها.
كما أوضح الشاب كريم صديق أحمد، ومالك ورشة الميكانيكا: أحمد بيجي يوقف معايا بعد الظهر، وهو صوته حلو ومن الشخصيات المحترمة، وبنحب نسمع صوته وهو شغال معانا، والزبائن لما بتيجي بتطلب منه أنه يغني.
