طالب يبيع السندوتشات أمام جامعة طنطا: ابتديت براس مال 250 جنيه

قال الشاب عبد الرحمن جمال، أحد أبناء مدينة طنطا بمحافظة الغربية، ويدرس بالفرقة الرابعة بكلية التجارة جامعة الأزهر، إنه يبيع السندوتشات أمام جامعة طنطا وتحديدًا عند مدخل كلية العلوم، وتتنوع السندوتشات ما بين الجبنة الرومي، واللانشون، والجبنة الفيتا، والحلاوة، وجميعها بسعر موجد وهو 5 جنيهات للساندوتش الواحد.

وأضاف عبد الرحمن: بدأت المشروع ده في شهر 11 سنة 2019، بدأت براس مال بسيط 250 جنيه، وبفضل الله بدأت أوسع في المشروع والطلبة والدكاترة هنا في جامعة طنطا بدأوا يصوروا السندوتشات، ويشاركوها مع بعضهم، والحمدلله الموضوع بدأ يزيد واحدة واحدة، ووالدتي ساعدتني وبعد كده اخواتي بدأوا يساعدوني.

وأوضح بائع السندوتشات، أنه فكر بالمشروع بعد أن اشترك مع صديقه في أحد المشروعات فقال: المشروع تقريبًا خسر ومكانش معايا ساعتها غير نحو 250 جنيه، وشوفت فيديو على اليوتيوب لبنتين في القاهرة بيتشغلوا في مشروع السندوتشات، وقالوا إنه بيتكلف حاجة بسيطة، فبدأت اشتغل عليه بس بفكرة مختلفة شوية، وهو أن اعتمادي كله على الحاجات الباردة زي اللانشون مثلًا.