سيدة مريضة بالسرطان: بقالي سنتين مبقدرش أشتغل وكان عندي شقة وبعتها

قالت السيدة نور وشهرتها بركة البالغة من العمر 55 عاما، المقيمة بقرية نصر قصر الدين، إنها تعاني من مرض السرطان، وكانت تعمل في كشك من أجل توفير علاجها، ولكن الوحدة المحلية لمركز كفر الزيات أمرت بإزالته.

وأضافت إلى حديثها قائلة: أنا عايشة في وسط التعابين والكلاب ومعنديش سكن ولا عندي مصدر دخل والشباب وأهل القرية هما اللي بيسعدوني، أنا عاوزة سكن أعيش فيه وكشك علشان أصرف على نفسي منه، زمان كنت بشتغل في مصانع لكن دلوقتي مقدرش عشان مرضي، بقالي سنتين مبقدرش أشتغل وكان عندي شقة وبعتها.
وأشارت بركة إلى أنها كانت تعيش في سكن بقرية نصر قصر الدين مركز كفر الزيات، ولكن بعد مرضها بالسرطان، باعت السكن من أجل علاجها في قسم الأورام بطنطا.

كما تناشد السيدة بركة المسؤولين بالمساعدة في صرف العلاج، وتوفير وحدة سكنية لها بدلا من عيشتها وسط الثعابين والكلاب، وكشك يكون مصدر دخل لكي تعيش من خلاله.