إسماعلاوي يشكو سيطرة الأهلي والزمالك على الدوري: لو فيفا شمت خبر هيحصل حوار
أبدى أحد مشجعي النادي الإسماعيلي، استياءه بسبب سيطرة النادي الأهلي والزمالك على حصد ألقاب الدوري كل عام، بالإضافة إلى انحياز الحكام لهم، على حساب باقي فرق الأخرى.
وقال المشجع: انا مابيفرقش معايا الزمالك ياخد الدوري أو الأهلي ياخد الدوري، بس لو الفيفا شمت خبر هيحصل حوار كبير، واتحاد الكورة هيتحقق معاه.
وعن تداول أخبار أن النادي الإسماعيلي ينحاز لنادي الزمالك، حتى يتفوق الزمالك على الأهلي بعدد النقاط، قال: احنا مافيش بينا أي مشاكل مع الأهلي، والإسماعيلي مابينحنيش لحد.
واستكمل حديثه: مافيش قائد في الملعب من بعد الكابتن حمص والكابتن حسني عبد ربه بيجيب حق الإسماعيلي، مباراة الأهلي الأخيرة مع الإسماعيلي، كان اللاعب أليو ديانج المفروض ياخد طرد مباشر والحكم ماعملش كدة عشان مايتوقفش ماتشين ورا بعض، والأهلي طول الماتش بيلعب براحته وضامن الماتش.
واختتم المشجع الإسماعيلاوي حديثه: لو عايزين تعملوا دوري محترم احنا مستعدين ومش بنرضى بالظلم، احنا بنكون زعلانيين لما الإسماعيلي مش بيأدي حلو في الملعب.
