ألفين سنة ويفضل كلامي جميل.. نشطاء فيس بوك يتذكرون فؤاد حداد

تحل اليوم، ذكرى وفاة شاعر العامية الكبير فؤاد حداد، الذي رحل في مثل هذا اليوم من عام 1985، وهو من مواليد 30 أكتوبر، لذلك يحتفي رواد التواصل الاجتماعي فيس بوك بذكرى رحيله وميلاده معا.

وكتبت إحدى مستخدمي فيس بوك عبر حسابها، تدعى شروق محمود، تعليقًا على صورة للشاعر الراحل فؤاد حداد على فيس بوك: النهاردة ذكرى ميلاد فؤاد حداد.. الشخص اللي لسه عايش بكلامه اللي بيلمس قلب الناس وقلبي أنا شخصيا..

كل ما أتوه وأحس إني عايزة أعبر عن حاجة جوايا.. أروح أدور في كلامه عن اللي يوصل إحساسي.. زي العيلة الصغيرة اللي بتجري على أبوها عشان يفهمها..

ويفضل أقرب كلام ليه لما قال:

‏ولا منهزم ولا منتصر ولا مستريح..

وفي كل خطوة أنا بنكسر وارجع صحيح

ولما قال: حياتي يومين، وحِسِّك بينهم النِسمة

ألف رحمة ونور على روحك يا عم فؤاد.. 

فيما نشر صفوت إيهاب صورة لفؤاد حداد أيضا وعلق عليها: ‏ذكرى ميلاد فؤاد حداد.. ألفين سنة ويفضل كلامي جميل.. دايمًا هيفضل كلامك جميل يا عم.

أنا الأديب وأبو الأُدبا

ونشرت منى عبدالوهاب، صورة لفؤاد حداد علقت عليها، مقتطفات من شعره مع يقول فيها:

أنا الأديب وأبو الأُدبا

اسمي -بإذن الله- خالِد

وشِعري مرفوع الرقبة 

زي الألِف ورقم واحِد

والساعة ستة في العتبة

يا أسمر يا روحي يا امتداد النيل

الثانية مشيت قد ألفين ميل

على قافية متقدر لها تجميل

ألفين سنة ويفضل كلامي جميل.

30 أكتوبر | ذكرى ميلاد والد الشعراء

فيما كتبت آية خالد محمود: صباح الخير.. النهاردة ذكري وفاة عمنا فؤاد حداد  وزي ما قال ابنه أمين حداد: ‏وُلِد فؤاد حداد في 30 أكتوبر، وتوفى في أول نوفمبر.. وكأنه عاش يومين فقط غيّر فيهم مسار الشِعر العامي.

حياتنا يومين وحسك بينهم النسمة يا عم فؤاد ولو مر مليون عام مش بس ألفين.. هيفضل كلامك جميل.

 فيما نشرت هدى مهدي مجموعة صور للشاعر الراحل فؤاد حداد وعلقت عليها بقول من شعره: ألفين سنة ويفضل كلامي جميل. 

ذاكرة الأمثال.. اديني اليوم صوف وخد بكرة خروف

ذاكرة الأمثال.. بِدال ما أقول للعبد يا سيدي أقضي حاجتي بإيدي