رئيس التحرير
محمود المملوك

وصلة ردح على إنستجرام بين إبراهيم سعيد وزوجة محمود علاء نجم الزمالك

زوجة محمود علاء
زوجة محمود علاء

هاجمت إيمان زوجة محمود علاء نجم نادي الزمالك ، إبراهيم سعيد نجم الأهلي والزمالك السابق، بعد انتقاد الأخير لمحمود علاء مؤخرًا بعد لقاء القمة، والذى انتهي بفوز النادي الأهلي على غريمه الزمالك بخمسة أهداف مقابل 3.



ونشرت إيمان على صفحتها على موقع التواصل الاجتماعي "إنستجرام" وعلقت قائلة:« ليا تعليق على واحد مريض مش وراه حاجة يعملها غير إنه يكتب على تويتر كل ماتش مش قاعد شايف في الملعب غير محمود علاء مش شايف في الفرقة كلها غير محمود علاء كل ماتش،، عايزة اقولك على حاجة انت تاريخك اي اصلا جنب محمود ممكن نقارن بالأرقام كده ونشوف انت ايه وهو ايه عشان تتكلم عليه وتفضل محروق منه كده كل ماتش كل ده عشان رفض يكلمك في الموبايل وياخد رقمك ولا عشان عملك بلوك على تويتر فالموضوع بقى مرض نفسي بالنسبة لك تحب انزل صورتك اللي متصورها معاه وحاضنه كمان اتكلم على الفرقة كلها وأخطاء الفرقة كلها كفاية مرض نفسي وقرف بقي".



ليقوم إبراهيم سعيد بالرد عليها بهجوم عنيف مقللًا من محمود علاء وزوجته.



ثم عادت إيمان لترد مرة أخري وتقول:" والله اعرف ان في ست تبقى ممشية بيتها وبميت راجل إنما راجل يقوم بدور الستات دي اللي غريبة عليا شويتين عالاقل انا واحدة محافظة على بيتها وجوزها وأولادها وعارفة اللي ليا واللي عليا ومحافظة على بيتي وجوزي الدور والباقي على اللي اتاخذ على قفاه من مراته وهربت منه.. عارفة ان البلوك بيضايق والله معذور".

 


يذكر أن فوز الأهلي على الزمالك جعله يرتقي لصدارة جدول الدوري المصري الممتاز، برصيد 9 نقاط، بينما توقف رصيد الفارس الأبيض عند الـ 6 نقاط، وتراجع للمركز الخامس.