راحوا المدرسة ومارجعوش.. تفاصيل اختفاء طفلين شقيقين في ظروف غامضة بالشرقية
شهد مركز بلبيس التابع لمحافظة الشرقية، واقعة اختفاء طفلين شقيقين، في ظروف غامضة، محمد، الطفل الأكبر ويبلغ 12 عامًا، وشقيقته الصغرى، تدعى علا، وتبلع من العمر 10 سنوات.
قال والد الطفلين، الذي يعمل حدادًا باليومية: أولادي في الطبيعي، بيخلصوا المدرسة الضهر وييجوا البيت على طول، يغيروا الهدوم ويروحوا الدروس بتاعتهم، لكن أنا جيت من الشغل بعد العصر مالقتش أولادي رجعوا من المدرسة.
واستكمل الأب حديثه: سألنا حوالينا لو حد شافهم، وبعد المغرب بدأت أسأل عليهم في شوارع البلد، وواحدة زميلة أولادي قالت إنهم كانوا موجودين الصبح قدام المدرسة لكن مادخلوش، لفينا عليهم البلد كلها وماكنش لهم أثر.
وأشار الأب إلى أنه توجه في اليوم التالي، إلى قسم الشرطة التابع له، وقابله رجال الشرطة بالدعم والمساندة، قائلًا: رجال الشرطة ماناموش من يوم الجمعة، ومشطوا كل الشوارع وفرغوا كل الكاميرات.
واختتم والد الطفلين المختفيين في الشرقية، أنا عايز أولادي يرجعولي واطمن عليهم، أنا مأذتش حد عشان أتئذي فيهم، إن شاء الله الشرطة هترجعهملي.
