حسس على إيدي وأنا بديله الأجرة.. تفاصيل تحرش سائق ميكروباص بطالبة التجمع
تحرش سائق بطالبة تدعى رانيا سليمان أثناء قيادته ميكروباص، بمنطقة التجمع الخامس في القاهرة الجديدة.
وقالت طالبة التجمع، التي تدعى رانيا سليمان أن السائق في بداية الأمر، قام بالتحسس على يدي، وحاول الإمساك بها أثناء دفع أجر المواصلة" الأجرة"، وسرعان ما قمت بسحب يدي، ولم أعي أنه يتحرش بي: "أنا كنت راكبة التجمع من موقف الحصري مكنش فيه غير مكانين جنب السواق وأنا ركبت وبنت جنبي وفي نص الطريق حاسة بحاجة على رجلي وأنا مش عاوزه أعمل شوشرة عشان مظلموش فتراجعت للخلف وهو مصمم برضو لحد ما قررت أطلع تليفوني وأصوره ع الأقل أخد حقي قانونا ايده كانت مش ثابتة، وكان عمال يديني في جنبي هو طبعا مش بيديني في جنبي هو عاوز يلمس أي حته وخلاص صورت اللي صورته وخوفت، الفون عند وشه ولما كله نزل قولت هنزل، لسه باخذ شنطتي لاحظ أن الكاميرا مفتوحة شد إيدي ومرضيش إني انزل يقولي خدي تعالي معايا يا تيجي معايا يا تجيبي التليفون فضلت أقاوم ونطيت من العربية وأول ما نزلت صورته وصورت العربية".
تحرش طالبة التجمع
وتابعت طالبة التجمع: الحمد لله إني لحقت أجري وأعمل محضر وهاخد حقي قانوني وحسبي الله ونعم الوكيل أنا حرفيا صوتي بقاله يومين مش طالع ومكنتش قادرة أن أصوت للأسف أنا مش هقول غير كل بنت تاخد حقها أنا هعمل محضر وهاخد حقي إن شاء الله، لازم نحارب، إن كله يخاف يأذي أي بنت متركبوش العربية دي"، في إشارة إلى ميكروباص سائق التجمع، الذي أصبح شهيرًا بـ متحرش التجمع.
طالبة التجمع كتبت عبر إنستجرام: "أنا حرفيًا بكتب البوست ده وأنا منهارة ومكنتش متخيله أن ممكن في يوم انزل بوست زي ده مش عارفه أوصفلكم إحساس الخوف والتعب النفسي والجسدي اللي أنا فيه أنا مرضتش أنزل الفيديو عشان نفسيتي أنا كفايه إنه في تلفوني وكل مبشوفه بنهار".
