تفاصيل وفاة 3 شباب خلال تنقيبهم عن الآثار بالمنوفية.. وأسرهم: بقالهم 20 يوم مدفونين في الطين

لقي 3 أشخاص مصرعهم في حفرة أثناء تنقيبهم عن الآثار، في قرية كوم الأحمر التابعة لمركز أشمون، بمحافظة المنوفية.

واستغاث أهالي المتوفين بالرئيس عبد الفتاح السيسي والمسئولين، لمساعدتهم في انتشال جثث الـ 3 شباب.

وقالت والدة الشاب المتوفى علي محمد علي باكية: أنا عايزة ابني بس مش عايزة حاجة تاني، رُحْت علشان اطلعه من الحفرة مشوني من هناك، ومش عارفة أعمل إيه، هو مات وأنا عايزه أدفنه.

وعلى الجانب الآخر، قالت والدة الشاب المتوفى محمد العجمي: اتصل بيه واحد اسمه سعيد، وقاله تعال عشان عايزك، ومن وقتها مارجعش، وعرفنا إنه مات.

واستكملت: عايزة أشوف جثته وأدفنها مع المتوفين، وباستغيث بالرئيس السيسي لأن إحنا بقالنا 20 يوم محدش مهتم بينا ولا بمناشدتنا.

وناشد عم الشاب كريم سعيد عبد الصمد المسئولين قائلا: أناشد المسؤلين ينظروا لينا، إحنا عايزين ندفن ولادنا في الترب مع أهالينا علشان نزورهم، ومشينا في كل إجراءاتنا القانونية وماوصلناش لأي حاجة.