الزمالك: بن شرقي سيصل من المطار إلى الإسماعيلية.. وكارتيرون يعامل اللاعبين مثل أبنائه
كشف عمرو أبو العز المدير الإداري بالفريق الأول لنادي الزمالك، عن موعد عودة اللاعبين المحترفين، استعدادا لمواجهة الإسماعيلي المقرر لها يوم الجمعة المقبلة، في الجولة الرابعة من بطولة الدوري الممتاز على استاد الإسماعيلية.
وقال أبو العز في تصريحات تلفزيونية: "اللعيبة الدولية هيرجعوا يوم 17، وقولت لبن شرقي من المطار علي الإسماعيلية، هيتعمل له استشفاء يوم الوصول، ويدخل تاني يوم، وسيف الجزيري والمثلوثي هيوصلوا في نفس اليوم".
وأضاف المدير الإداري للزمالك: "كارتيرون طلب مباراة ودية وجهزناها، وهو اللي بيعمل إطالات للفريق قبل التدريب، وقبل كل مباراة بيعملها بنفسه واللعيبة مقتنعة جدا بده، والزمالك أعلي فرقة بدنيًا في مصر".
وأضاف: "كارتيرون من أكتر المدربين تواصلًا مع اللاعبين، وتحس إنهم ولاده، وبيعاملهم كأنه واحد منهم، وتحسه مصري، وعارف كل واحد عاوز أيه، وبيعمل جلسات مع اللعيبة علي انفراد، وبيتعامل معاهم نفسيًا بشكل كويس جدًا".
