عمر كمال يدعو لـ حسن شاكوش من أمام الكعبة: فيك شيء لله وربنا ما يشمِّتش فيك حد | فيديو
دَعَمَ مطرب المهرجانات عمر كمال، صديقه حسن شاكوش، الموقوف عن العمل بقرار من نقابة المهن الموسيقية؛ وذلك خلال تواجده في الكعبة المشرفة، ليلة أمس السبت.
وظهر عمر كمال في فيديو- نشره الصحفي هاني عزب عبر صفحته الرسمية على فيسبوك- وهو يدعو لصديقه حسن شاكوش، قائلًا: شاكوش يا حبيبي، ربنا يفكها عليك يا حبيبي يا رب، وربنا يديك برزق أخواتك وأمك يا حبيبي اللي بتحبك وتنول دعواتها، ويحنن كل القلوب عليك يا حبيبي، وترجع أحسن من الأول، عشان أنت طيب وفيك شيء لله، وأنا أكتر واحد عارف ده، بدعيلك كتير والله يا حبيبي، ربنا يهديك بنعمته وبستره عليك يا رب، وما يشمِّتش فيك حد أبدًا.
كما علق عمر كمال على الفيديو: شاكوش يستاهل كل خير، وبإذن الله هيرجع؛ لأنه ناجح في لونه جدا، وأنا بدعمه؛ لأنه شريك نجاحي، وعشرة، وما تمناش ليه الضرر، هو غِلِط ودفع تمن غلطُه، واتعلم منه.
عمر كمال يعتمر
وفي سياق متصل، أعرب عمر كمال عن سعادته البالغة، بتأدية العمرة هذا العام، وكتب على صفحته الرسمية بـ فيس بوك: بوست هكتبه عشان اختم بيه اليوم الحلو ده، شهر 1 السنة اللي فاتت 2020.. كان عندي شغل في جدة وكنت لسه مش معروف زي دلوقتي خالص وربنا كتبلي وعملت عمرة، وقتها كان قبل شهرين من كورونا قبل الدنيا ما تقفل كلها.
وأضاف: المهم روحت وقعدت قدام الحرم ودعيت ربنا بكل حاجة نفسي فيها، قولتله يا رب نفسى أخش السعودية بدعوة رسمية وآجي مهرجان كبير وصوتي يبقى مسموع.. قولتله يا رب نفسي أركب عربية كذا، قولتله يا رب نفسي أسكن في المنطقة كذا، قولتله نفسي ونفسي ونفسي ونفسي، وأقسم بالله مفيش حرف واحد طلبته؛ إلا وتتحقق أكتر من اللي طلبته وزيادة.
واختتم حديثه: والسنة دي روحت السعودية تاني بوضع تاني، وفي ظل كل الظروف والعقبات ربنا كتبلي تاني أروح أزور الحرم.. اللهم لك الحمد والشكر يا رب، ودعواتي المرة دي تتحقق كلها وآجي السنة الجاية بدعوات جديدة.
