انتصار: الناس بتهاجم إلهام شاهين هي مش المومس الفاضلة
علقت الفنان انتصار، على حالة الجدل التي أثارتها الفنانة إلهام شاهين، الفترة القصيرة الماضية بسبب إعلانها مشاركتها بدور البطولة في المسرحية المترجمة، المومس الفاضلة.
وقالت إنتصار، في تصريح لموقع القاهرة 24: ما اتعملت قبل كده المسرحية دي، وجه جان بول سارتر، وسلّم على الفنانة سميحة أيوب، واتشافت وهي اسمها كده مش اختراعنا، ودي حاجة قديمة بقالها سنين كتير ولاقت ترحيب كبير، الناس ليه مخضوضة من الاسم؟!
وتابعت: إيه يعني لما تتعمل ما إحنا بنعمل مسرحيات كتير في الغد، ومسرحيات كتير في الطليعة، وأساميها غريبة أكتر من دي كمان، ملفتتش نظر حد ليه يعني؟ ليه الاسم ده اللي لفت نظر الناس كلها، وممكن تلاقي المسرحية دي معمولة في الغد أو في قاعة في السلام، مكنش حد يتكلم كده ليه؟ ولا عشان إلهام شاهين اللي هتعملها يبقى هتتهاجم، يبقى الناس بتهاجم إلهام شاهين، مش بتهاجموا المومس الفاضلة.
وأضافت: الناس مستغربة إن إلهام شاهين هتعمل المومس الفاضلة، يعني ليه تعمل ده، في حين نفس المسرحية دي هتعملها واحدة خريجة معهد محدش يعرفها في أي مسرح محدش هيتكلم، يبقى بيهاجموا إلهام بقى.
وعن تجربتها في مسرحية: في انتظار بابا، التي عُرضت أمس لأول مرة على خشبة المسرح القومي بالعتبة، قالت: أستاذ سمير العصفوري اتعاملت معاه قبل كده في ليالي الأزبكية في المسرح القومي، وده تاني تعامل ما بينا، ومشاركتي معه في مسرحية أخرى شيء يبسطني جدا، أنا بقالي شهر ونص باحضر لمسرحية في انتظار بابا، ولكن فريق العمل استغرق في التحضير ما يقرب من عام.
