سرقة في عز النهار.. سائق توكتوك ينهي حياة بقال في السلام
شهدت منطقة السلام التابعة لمحافظة القاهرة، جريمة سرقة وقتل في وضوح النهار، حيث تمت سرقة سوبر ماركت بعد مقتل أحد العاملين به.
وقال محمود محمد، أحد شهود العيان: الساعة 12 ظهرا، دخلت واحدة السوبر ماركت علشان تشتري حاجة، وفضلت تنادي ملقتش حد في المحل، ففيه واحد من الجيران دخل علشان يشوف العمل فين.
وتطرق في حديثه عن لحظة اكتشاف الضحية، قائلا: بعد ما دخل لقى الصبي الصغير نايم فصحاه في لحظة ما الصبي صحي لقى الراجل مقتول ورا التلاجة وغرقان في دمه مفيش 10 دقايق جات الشرطة وجه صاحب السوبر ماركت.
وعن المجرم قال: إحنا سمعنا أن الحكومة قبضت عليه بس محدش يعرفه ولو كنّا عارفينه مكناش سبناه غير وهو مقتول دي طبيعتنا كمصريين.
وحول المقتنيات المختفية من السوبر ماركت قال شاهد العيان: المجرم دخل طلب حاجة كده فالراجل بيجيبهاله في اللحظة دي هو طعنه وأخد مكينة فوري وكل الفلوس اللي في الدرج.
وطالب شاهد العيان الدولة بمراقبة المحتوى السينمائي وقال: السبب في انتشار البلطجة دي الأفلام اللي شوفنها في الآخر والسّنج وأعمال البلطجة اللي بتتعرض في التلفزيون.
