مبيعجبنيش غناك.. 10 رسائل نارية من ساويرس لهاني شاكر اعتراضًا على قرار الموسيقيين
أبدى رجل الأعمال المهندس نجيب ساويرس، اعتراضه على قرارات نقابة الموسيقيين بوقف عدد من مؤدي المهرجانات عن الغناء، قائلًا: من حقي أسمع اللي أنا عايزه.
وأضاف ساويرس، في مداخلة هاتفية مع الإعلامي عمرو أديب، ببرنامج الحكاية، المُذاع عبر فضائية mbc مصر، مساء اليوم الجمعة: الموضوع فيه نفسنة وغيرة، وفيه قانون في مصر وكل اللي اتمنعوا رفعوا قضية في القضاء الإداري.
وينشر القاهرة 24 أبرز رسائل ساويرس خلال تصريحاته مع أديب، والتي جاءت كالتالي:
1-النقيب مش قيم على أذواق الناس.
2- الموضوع فيه نفسنة وغيرة.
3- أدعو كل اللي اتمنعوا من الغناء يرفعوا قضية في القضاء الإداري.
4-إحنا أحرار نسمع اللي بنحبه.
5-دورك كنقابة إنك تصرف أو تساعد أو تعالج نجم تابع للنقابة.
6- لست رقيبًا على المصنفات الفنية، طب أنا مبيعجبنيش غناك.
7-الجمهور من يقرر إيه اللي ينفع يتسمع، واللي مش عاجبه المهرجانات يقفل التليفزيون.
8-تعبنا من الناس اللي جاية تفرض علينا طريقتها.
9-قطع الأرزاق ربنا مش بيسامح فيها.
10-من حقي أسمع اللي أنا عايزه.
وكانت نقابة المهن الموسيقية، أصدرت قرارا بمنع 20 مغني مهرجانات من الغناء أبرزهم، حمو بيكا، حسن شاكوش، كزبرة وحنجرة، مسلم، وآخرون.
