الخطيب: البعض يخلق البلبلة والمشاكل رغم تتويجنا بالبطولات
قال محمود الخطيب، رئيس النادي الأهلي، والمرشح على نفس المنصب في انتخابات النادي المقبلة، إن البعض يهدف لخلق البلبلة وإثارة المشاكل داخل النادي الأهلي.
وأضاف محمود الخطيب، في حواره مع الإعلامي أحمد شوبير، ببرنامج ملعب أون تايم، أن البعض في البرامج يحاول خلق المشاكل، فبدلًا من المباركة لنا بعد المكسب، نجد في البرامج الحديث عن المشاكل مثل خلافات موسيماني وكهربا.
وتابع محمود الخطيب: اتعودت على النقد، حصلنا على بطولة جلست أشاهد بعد بطولة إفريقيا أحد البرامج الرياضية لفت نظري حاجة غريبة جدا، وكان الأمر تاني يوم بعد التتويج بإفريقيا وأنا مبسوط واحد بيتكلم في البرنامج مش عايز أذكر اسمه، مقالش مبروك قال القائمة اللي هيمشيها موسيماني بتعمل مشكلة ليه.
وأكمل الخطيب: زي ده كتير، بعد ماتش الزمالك تاني يوم بفتح لاقيت واحد بيقول صباح الخير اللي عندنا دلوقتي موسيماني وكهربا وأزمتهم أنا مش فاهم بصراحة.
ومن المقرر، أن تُقام انتخابات النادي الأهلي يومي 25 و26 من الشهر الجاري، بعدما تمت الدعوة للانتخابات وتم فتح باب الترشح وغلقه، والتي تشهد التنافس على مقعد الرئاسة بين محمود الخطيب رئيس النادي الحالي، والمحامي خالد سليمان.
