الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

فردوس عبد الحميد: بعض المنصات الإلكترونية مخلة.. والمعترضون على المومس الفاضلة لم يقرأوا محتواها

فردوس عبد الحميد
فن
فردوس عبد الحميد
الأربعاء 24/نوفمبر/2021 - 11:27 ص

أعربت الفنانة الكبيرة فردوس عبد الحميد عن سعادتها البالغة بافتتاح معهد السينما الجديد بأكاديمية الفنون، بحضور الدكتورة إيناس عبد الدايم، وزيرة الثقافة، والدكتور مصطفى مدبولي، رئيس الوزراء.

فردوس عبد الحميد في افتتاح معهد السينما

وقالت الفنانة فردوس عبد الحميد، خلال لقائها مع القاهرة 24: يوم عظيم إنه يفتتح معهد السينما الجديد لأن أنا من الطلبة اللي عاصروا معهد السينما القديم، والأكاديمية هنا كانت مليانة في عصر عظيم، ولما جيت أحضر الافتتاح استرجعت الذكريات العظيمة اللي كنا بنعيشها في هذا المكان لأنه طلع أجيال مش بس طلبة ولكن أساتذة والعظام اللي علمونا عشان نطلع فنانين جيدين.

ومن جانبه، أبدت الفنانة فردوس عبد الحميد رأيها في نوعية الأعمال الدرامية المتصلة المنفصلة، وقالت إنها جيدة ولكن الأهم أن يكون محتواها مفيدا ومؤثرا، مؤكدة: المهم المحتوى وأن تكون الأعمال مؤثرة ولكن بيتعرض حاجات كتير مش سخنة وبتمر مرور الكرام، وكان في كتير أبرزهم  مسلسل ليلة القبض على فاطمة كان من 15 حلقة، وناقش مشكلة مجتمعية، نفسي النصوص اللي بتتقدم، يهتموا شوية بالأعمال الدرامية أكتر من كده.

فردوس عبد الحميد تكشف رأيها في السينما الحالية

وأما عن متابعتها لحركة السينما في مصر خلال الفترة الحالية، فقالت فردوس عبد الحميد إنها لم تعد تتابعها بشكل مستمر مثل الأول خاصة بعد انتشار فيروس كورونا وتقليص السينمات وتقليل النشاطات وغيرها، ولكن أكدت أن بعض المنصات الإلكترونية لا تناسب مجتمعنا العربي، قائلة: بعض هذه المنصات الإلكترونية تكون مُخلة ومُضرة للشباب ومهما حصل وجذبت عددًا من الجمهور مش هيكون جمهور عظيم مثل التليفزيون.

 كما علّقت الفنانة فردوس عبد الحميد على الانتقادات التي تعرضت لها كل من الفنانة إلهام شاهين والفنانة سميحة أيوب بعد إعلان تقديم مسرحية المومس الفاضلة، وقالت: المومس الفاضلة اللي كتبها جان بول سارتر والراجل ميت بقاله 50 سنة واللي معترض عليها لا قرأها ولا شاف الرواية، معناها أن الست دي سمعتها مش كويسة وقفت وعملت موقف بطولي ومحدش من الناس اللي بيتقال عليهم أخلاقيا كويسين عمله، وأتمنى اللي يعترض على قضية يقف ويقرأ شوية قبل ما يعترض.

تابع مواقعنا