حمو بيكا يهاجم الموسيقيين: لازم تسمعونا زي ما سمعناكم.. وماحدش يقدر يمنعنا من الغناء
هاجم مطرب المهرجانات حمو بيكا، نقابة المهن الموسيقية بعد قرارها منعه من الغناء هو وعدد من مطربي المهرجانات.
وعلق حمو بيكا على قرار منعه في بث مباشر عبر حسابه الرسمي بموقع الصور والفيديوهات القصيرة إنستجرام، وقال: إحنا في سنة 2021 يا جماعة وده عصرنا وجيلنا إحنا، زي ما سمعناكم أنتم لازم تسمعونا، زي ما احنا كنا جمهوركم لازم تكونوا جمهورنا.
وتابع حمو بيكا: أنتم ليه عايزين تحطمونا وليه شايفنا غلط، وزي ما بتقولوا البلد فيها قانون ماحدش يقدر يمنعنا من الغناء.
وأضاف حمو بيكا: ليه مانغنيش في بلدنا ليه أغني بره مصر، إحنا في بلد حرية مافيهاش المنع، من ساعة ما الرئيس السيسي جه مصر، والبلد كل يوم بتتطور، ليه عايزين تخرجونا من البلد، واللي عمل غلط يحاسب عليه.
الموسيقيين تمنع حمو بيكا من الغناء
وأصدرت نقابة المهن الموسيقية، مسبقًا بيانًا أعلنت فيه منعها عددًا من مطربي المهرجانات، أبرزهم: حمو بيكا، حسن شاكوش، شواحة، مجدي شطة، حمو طيخة، مسلم، عنبة، الزعيم، وغيرهم.
