مش كل واحد فاضي يتكلم شوية.. حمو بيكا يطلق هاشتاج ادعم المهرجان
أطلق مؤدي المهرجانات حمو بيكا هاشتاجًا بعنوان: ادعم المهرجان ضد منع مؤدين المهرجانات حرية التعبير والإبداع، كما وجه الشكر لرجل الأعمال نجيب ساويرس لدعمه لهم.
وكتب حمو بيكا عبر صفحته الرسمية بموقع فيس بوك: شكرًا لرجل الأعمال المحترم نجيب ساويرس على دعمه الدائم للفن بجميع فئاته وبالأخص فن المهرجانات.
وفي منشور آخر كتب: لا للتنمر مش كل واحد قاعد فاضي يطلع يتكلم عن مؤديين المهرجانات حسبي الله ونعم الوكيل.
وكان حمو بيكا هاجم نقابة المهن الموسيقية، بعد صدور قرارًا بإيقافه عن إحياء الحفلات، ورسوبه للمرة الثانية في اختبارات لجنة المستمعين بالنقابة، خاصة بعد ندوة الفنان هاني شاكر بقصر ثقافة السينما التي أقيمت أمس في الصالون الثقافي، تحت عنوان إشكالية العلاقة بين الفن وحرية الإبداع.
وقال حمو بيكا في بث مباشر عبر صفحته الرسمية بموقع فيس بوك: مصر بتاعت كل مصري مش أم كلثوم وعبد الحليم بس، أي حد يحمل هوية مصرية فهي بلده، ليه نغني برا مصر، هي اتعملت ليكم أنتم بس، العصر بتاعكم عدى وفات، وفي التقييم بتاع اليوتيوب احنا مكتسحين، مفيش غير تامر حسني وعمرو دياب وحماقي والباقي كله مهرجانات.
واستكمل هجومه على نقابة الموسيقيين ومنتقدي المهرجانات قائلًا: بدل ما أنتم قاعدين تعملوا ندوات وخاربين الدنيا، سيبوا الناس تشتغل، ما احنا قعدنا 3 سنين أيام كورونا مكنش فيها شغل وقعدنا في بيوتنا، سيبونا ناكل عيش، ربنا اللي بيرحم ولازم يا عبد أنت كمان ترحم، في ناس أصواتها لا تصلح وحملوا كارينه النقابة.
وتابع حمو بيكا: قولوا لي الناس دي غنت إيه وأنا هغني زيهم، زي ما حليتوا مشكلة الراب وقيمتوه حلو مشكلة المهرجان وأعملوا لينا شعبنا وخدنا تحت باطك وحط قواعد واللي يخالفها حاسبه وخرجه، بقالي 5 سنين بعاني واتعملي قضايا وهاني شاكر يُشكر اتنازلي عن القضية، ولكن كفاية ظلم.
كانت نقابة المهن الموسيقية أعلنت إيقاف عددًا من مطربين المهرجانات وعددهم 19، وأبرزهم: حمو بيكا، حسن شاكوش، حمو طيخة، مسلم، عنبة، الزعيم، وهو ما أثار حالة واسعة من الجدل وتدخل في الأمر رجل الأعمال نجيب ساويرس الذي هاجم هاني شاكر.
