اللي مدايني وفاضحني.. رهان بنصف مليون جنيه بين إبراهيم فايق ورضا عبد العال (فيديو)
استضاف أمس الإعلامي إبراهيم فايق، في برنامجه “نمبر وان” المذاع عبر فضائية النهار، كابتن رضا عبد العال، لاعب الزمالك والأهلي السابق.
وأستهل فايق لقاءه بعبد العال قائلًا: “معانا نجم مصر اللي مداينني وفاضحني وممشيني في كل حتة في الشارع عليا 100 ألف جنيه وكل الناس في مصر وبره مصر مورهاش حاجة كل ما تشوفني الا انها تقولي دفعت ولا لسه”.
وعادة فايق ليسأل عبد العال: “مسامحني في الـ100 ألف”، ليرد الأخير: “طبعًا مع أني عارف انك لو كنت كسبت مكنتش هتسيبني”.
وعادا الثنائي إلى الرهانات من جديد، حيث راهن رضا عبد العال، إبراهيم فايق، على إمكانية حصول مصر على بطولة كأس الأمم الإفريقية، التي تستضيفها مصر في يونيو القادم.
وقال عبد العال: “أنا بقولك مش هناخد البطولة، وممكن نوصل نهائي لكن مش هناخد البطولة”، مردفًا: “أنت هتوصل قبل النهائي أو النهائي لكن مش هتاخد البطولة والعوامل المساعدة كتير هتساعدك لحد دور الأربعة وبعد كده انت ومجهودك وطالما انت ومجهودك يبقى مش هتاخدها”.
وراهن رضا عبد العال، إبراهيم فايق، بمبلغ نصف مليون جنيه، إلا أن الأخير رأى المبلغ كبير جدًا فطلب منه تخفيض الرهان إلى 50 ألف جنيه فقط، ووقعا الثنائي إيصالات أمانة بنصف مليون جنيه، كرهان على فوز مصر ببطولة كأس الأمم الإفريقية.
