مرتضى منصور لـ فاروق جعفر: دورك انتهى.. أنت بره النادي
أعلن مرتضى منصور رئيس مجلس إدارة نادي الزمالك، انتهاء عمل فاروق جعفر المستشار الفني لمجلس الإدارة، وذلك على هامش الكلمة التي يوجهها منصور لأعضاء الجمعية العمومية للنادي حاليًا.
وخلال كلمته وجه مرتضى منصور كلمة إلى فاروق جعفر، قال فيها: دورك انتهى.. أنت برا النادي.
وسخر مرتضى منصور رئيس مجلس إدارة نادي الزمالك، من فاروق جعفر المستشار الفني السابق للنادي، على هامش كلمته لأعضاء النادي، وعلق أكثر من مرة على تصرفات يرفضها بعض الأعضاء الحاضرين خلال إلقائه كلمته، قائلًا: هو أنت قريب فاروق جعفر.
وقال مرتضى في كلمته لأعضاء الزمالك: لما مشيت من النادي كان فوضى، البنات ترتدي اللبس الغير مرضي، والعديد من الخناقات يوميا، ومن إنهارده عودة الانضباط من جديد، مفيش تحرش مفيش سجاير داخل النادي ولو مش عاجبك هشطبك.
وواصل قائلًا: كفاية بقى قضايا الأداب اللي اتعملت الفترة اللي فاتت للعاملين في النادي، وأي واحدة مش لابسة محترم بالسلامة وأي شغل مش مظبوط بالسلامة، ولو مافيش جوانتي وكمامة هقفلك المحل وأي أسعار هتزيد بردو هقفل المحل.
ووجه مرتضى كلمة إلى الإعلامي عمرو أديب قائلا: رجل يا عمرو يا أديب، إنت فين وكل المخالفات اللي إنت قولت عليها فين؟ وفين شوبير وأحمد موسى الجميع دخل الجحور كل يوم يجيبوا الوزير يقولوا هما سرقوا كام، احنا أشرف منكم إنتوا اللي حرمية.
